Fantastyka, ale adnosna realistyčnaja.
Hrupa brytanskich architektaraŭ pačała na Indiegogo zbor srodkaŭ na budaŭnictva horada-zamka Minas-Tyryt z «Uładara Piarścionkaŭ» Tołkijena. Dla realizacyi prajektu treba 1,85 młrd funtaŭ sterlinhaŭ — blizu 2,9 młrd dalaraŭ.
Minimalny ŭniosak — try funty, za heta achviaravalnika zafałoviać u tvitary. Za 15 funtaŭ imia vybjuć na manumiencie ŭ horadzie, za 500 funtaŭ padorać noč u hateli Minas-Tyryta. Za 100 tysiač funtaŭ achviaravalnika pryznajuć łordam ci łedzi horada.
Na momant publikacyi sabrana tolki 52 tysiačy funtaŭ, da zaviaršeńnia kampanii zastałosia 47 dzion.
Z sumy kala 15 młn pojdzie na nabyćcio ziamli na poŭdni Anhlii, 188 młn na pracu i 1,4 młrd na budmateryjały. U vypadku, kali hrošy buduć sabranyja, budaŭnictva pačniecca ŭ kancy 2016 hoda, zavieršycca da kanca 2023-ha. Što zastaniecca — puściać na padtrymku kompleksu.
Na Ziamli budavalisia i daražejšyja šalonyja prajekty, dy brytancy abrali nienadziejny šlach zboru hrošaj na Minas-Tyryt.
Try miljardy dalaraŭ — daloka nie rekordnaja suma na šalonuju budoŭlu. Naprykład, Arabskija emiraty patracili 12,3 młrd dalaraŭ na štučny vostraŭ Palma Džumiejra, a kompleks chmaračosaŭ Abradž al-Bejt kaštavaŭ 15 młrd.
Dy kraŭdfandynham takija sumy naŭrad ci atrymajecca sabrać. Pa-pieršaje, dla achviaravańniaŭ nie prapanujecca suma, bolšaja za 100 tysiač, a značyć, vielmi šmat achviaravalnikaŭ. Pa-druhoje, suśvietny rekord kraŭdfandynhu — 20 młn (nie młrd!) dalaraŭ na hadzińnik Peeble Time.
***
Minas-Tyryt — vysiečany ŭ skale horad, stalica ludskaj dziaržavy Hondar u śviecie «Uładara Piarścionkaŭ» Džona Tołkijena. Nazva pierakładajecca z movy sindaryn jak «Krepaść varty». Zbudavany pryblizna ŭ 3320 Druhoj epochi, za try ź lišnim tysiačy hod da padziej «Uładara Piarścionkaŭ». Praz šmatuzroŭnievuju strukturu vytryvała šturm lehijonami Mordara. Mahčymym pravobrazam Minas-Tyryta nazyvajecca francuzskaja krepaść Mon-Sen-Mišel.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary