Paśla taho, jak Andrej aznajomicca z materyjałami spravy, jaje pieradaduć u sud.
Śledčy prakuratury Centralnaha rajonu Miensku Źmicier Łuhin, jaki viadzie śledztva, paviedamiŭ, što Andrej pačnie znajomicca z materyjałami spravy ŭ paniadziełak, 3 sakavika.
«Nasamreč, sprava ŭžo ŭ sud pojdzie. Moža, navat u paniadziełak paśla aznajamleńnia. Papiaredniaje raśśledavańnie zaviaršyłasia. Aznajamleńnie? Jak jon pažadaje. Moža za dzień aznajomicca, moža — za dva… Jak zachoča. Pavodle maich materyjałaŭ, jon znachodzicca ŭ śledčym izalatary».
Nahadajem: Andreja Kima zatrymali 21 studzienia pry razhonie akcyi pratestu pradprymalnikaŭ. Spačatku jaho aryštavali na 10 sutak za ŭdzieł u niesankcyjanavanaj akcyi, a paśla adbyćcia aryštu advieźli ŭ śledčy izalatar. Hetym razam Andreja ŭžo abvinavacili ŭ pahrozie milicyjantu, supracoŭniku DAI, jaki jaho zatrymlivaŭ.
Prakuratura admoviłasia źmianić chłopcu mieru strymańnia. Učora, 26 lutaha, Andreju Kimu spoŭniłasia 22 hady. Jahonaja maci i siabry hramadzkaha kamitetu ŭ abaronu Andreja Kima padali chadajnictva, kab chłopca adpuścili pad zakład.
Maci Andreja admovili ŭ spatkańni z synam, spasłaŭšysia na tajamnicu śledztva, ale ŭ dzień narodzinaŭ dazvolili pieradaču: «Učora jamu nievialičkuju pieradaču pieradała na dzień narodzinaŭ. Pieradała jabłyki, apelsiny, tort vafelny».
Pavodle kryminalna‑pracesualnaha kodeksu, adrazu paśla taho, jak Andrej aznajomicca z materyjałami kryminalnaj spravy, jaje pieradaduć u sud.
Takim čynam, sud moža pačacca ŭ sakaviku. Andreju Kimu pahražaje źniavoleńnie da šaści hadoŭ.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary