Fota Paŭła Mickieviča, kp.by
22 lipienia prykładna ŭ 9.30 dziaŭčyna, jakaja zalezła na duhu piešachodnaha mosta cieraz raku Sož u Homieli, sprabavała ŭčynić suicyd, paviedamlaje BiełaPAN.
Kala mosta sabralisia prachožyja, prybyli supracoŭniki MNS i milicyi. Pavodle słoŭ vidavočcaŭ, dziaŭčyna płakała i havaryła, što spuścicca tolki ŭ tym vypadku, kali pryjedzie jaje maci.
Niepadalok ad piešachodnaha mosta znachodzicca pravasłaŭnaje jeparchijalnaje ŭpraŭleńnie. Na miesca NZ pryjšoŭ jepiskap Homielski i Žłobinski Stefan.
Na moście jon doŭha razmaŭlaŭ ź dziaŭčynaj, paśla čaho jana spuściłasia ŭniz.
Pravaachoŭniki i ratavalniki pry hetym nie stajali pobač, tamu nie čuli, pra što išła havorka, piša kp.by. Ale samaje hałoŭnaje, što praź niekalki chvilin dziaŭčyna sama spuściłasia ź fiermy. Jana išła chistajučysia, pad ŭzdychi raziavakaŭ, ale paśpiachova dabrałasia da krataŭ, adkul jaje źniali supracoŭniki MNS.
Jepiskap advioŭ dziaŭčynu ŭ jeparchijalnaje ŭpraŭleńnie.
Na prośbu žurnalistaŭ prakamientavać zdareńnie ŭładyka adkazaŭ: «Ja nie hieroj».
Jon syšoŭ, admoviŭšysia hutaryć z presaj.
Jak paviedamiła kp.by pres-sakratar Homielskaha abłasnoha ŭpraŭleńnia MNS Ksienija Šynhirej, dziaŭčynie — 20 hadoŭ, jana žycharka Homielskaha rajona i časova nie pracuje. Dalejšaje raźbiralnictva pravodzić milicyja.
Kp.by dadaje, što most nastolki papularny ŭ samahubcaŭ i ektremałaŭ, što padychod da jaho vysokaj fiermy, na jakuju raniej załazili, kab skoknuć u vadu, pryjšłosia zavaryć kratami. Ale i jany nie pieraškodziła dziaŭčynie ŭźleźci na samuju vysokuju kropku fiermy — 30-35 mietraŭ nad rakoj.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary