Pucin: Rasija nie moža davać Ukrainie źnižku na haz u raniejšym abjomie
Kančatkovaja cana dla spažyŭcoŭ rasiejskaha hazu va Ukrainie nie pavinna być vyšejšaj, čym u inšych krainach.
Pra heta zajaviŭ prezident RF Uładzimir Pucin, piša rasijski «Interfaks».
«My nie možam davać u takim ža abjomie źnižku (Ukrainie), jak heta było raniej, ale ŭ lubym vypadku kančatkovaja cana dla ŭkrainskich spažyŭcoŭ nie pavinna być vyšejšaj, pavinna być na ŭzroŭni susiednich krain, takich, jak Polšča», — skazaŭ jon na naradzie z členami ŭrada ŭ sieradu.
Pa słovach Pucina, urad pavinien paličyć «abjom źnižki (dla Ukrainy) i pryniać adpaviednaje rašeńnie».
«My ź Dźmitryjem Anatoljevičam heta abmiarkoŭvali, prašu, kali takaja prośba pastupić, pravieści pieramovy», — skazaŭ Pucin.
Jak viadoma, niadaŭna premjer-ministr Ukrainy Arsień Jacaniuk zajaviŭ, što Rasija prapanavała Ukrainie 100-dalaravuju źnižku na haz, ale Kijeŭ nie prymaje hetuju prapanovu i patrabuje źmianić hazavy kantrakt.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary