Rasijski televiadučy Ivan Urhant i jaho kachanaja Natalla Kiknadze tajemna abviančalisia. Pra cyrymoniju, jakaja prajšła jašče ŭ mai 2015 hoda, raspaviała babula šoŭmiena Nina.
Ivan i Natalla abviančalisia paśla 8 hadoŭ sumiesnaha pražyvańnia. Cyrymonija prajšła ŭ Pieciarburhu ŭ Nikolskim sabory.
U pary jość ahulnaja dačka Nina (naradziłasia 15 maja 2008 hoda), taksama muž i žonka vychoŭvajuć dačku Kiknadze ad pieršaha šlubu ź biznesmienam Vachtanham Kutalija Eryku. Svajo asabistaje žyćcio Ivan Urhant staranna zaścierahaje ad starońniaha ŭmiašańnia. Tolki zredku jon vykładvaje fota blizkich u mikrabłohu. Adnak prychilniki viedajuć, što małodšaja Nina vielmi padobnaja na tatu, a starejšaja Eryka — kopija pryhažuni mamy.
«Vaniečka — vielmi vierujučy čałaviek, — raspaviała babula Urhanta Nina. — Jak tolki jon pryjazdžaje ŭ Pieciarburh, adrazu ž idzie ŭ Nikolski sabor. Tam u jaho svoj duchoŭnik. Unuk časta ź im raicca, spaviadajecca i pryčaščajecca. My pieražyli strašnuju trahiedyju ŭ lutym: pamierła mama Vaniečki. Jon mocna haravaŭ. I žonka Natašańka stała dla jaho sapraŭdnym suciašeńniem».
Jak raspaviała babula Urhanta, u mai pa patrabavańni baciuški para vyrašyła abviančacca.
«Heta była vielmi pryhožaja cyrymonija. U chramie sabralisia tolki samyja rodnyja ludzi — jany nie chacieli, kab pra heta daviedalisia čužyja. Ja vielmi rada, što jany znajšli adno adnaho i Vaniečka narešcie nadzieŭ zaručalny piarścionak. Dla mianie heta ščaście — hladzieć na ich družnuju siamju», — pryznałasia babula Ivana.
Paśla šlubu Ivan Urhant upieršyniu za vosiem hadoŭ šlubu z Natallaj źjaviŭsia na publicy z zaručalnym piarścionkam. Samyja ŭvažlivyja hledačy prahramy «Viačerni Urhant» źviarnuli ŭvahu na toje, što ciapier na biezymiennym palcy televiadučaha bliščyć piarścionak.
Šlub z Natallaj Kiknadze dla Urhanta staŭ druhim. Pieršy raz televiadučy ažaniŭsia ŭ 18 hadoŭ, adnak chutka raźvioŭsia. Taksama Ivan amal piać hadoŭ pražyŭ z televiadučaj Taćcianaj Hievarkian. Natalla Kiknadze — školnaje kachańnie Ivana Urhanta. Televiadučy niejak pryjechaŭ u rodny Sankt-Pieciarburh z Maskvy i, vypadkova sustreŭšy adnakłaśnicu, zrazumieŭ, što jana — jaho los.
-
Što takoje mužčynskaja kantracepcyja ciapier? Navukoŭcy navučylisia vyklučać i ŭklučać vypracoŭku śpiermatazoidaŭ
-
«Biełaruskaja Barbi» Kaciaryna Koba vyjšła zamuž u Šviejcaryi. Imavierna, za tajamničaha rasijskaha multymiljaniera
-
«U Vajnony Rajder vielizarnyja hrudzi. I jana pastajanna chacieła zajmacca kachańniem. Heta stamlała»
Ciapier čytajuć
Kudy ciapier jeduć vučycca biełaruskija studenty — top krain i tendencyj12
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary