Ci treba zabaraniać aborty? Videadyskusija ŭ studyi «NN»
Biełaruś uvachodzić u lik krain z libieralnym zakanadaŭstvam u śfiery abortaŭ. Žančyna moža zrabić abort pa svaim žadańni da 12 tydniaŭ ciažarnaści, pa sacyjalnych pakazańniach – da 22 tydniaŭ, a pry najaŭnaści miedycynskich pakazańniaŭ – u luby momant ciažarnaści.
Razam z tym, zakanadaŭstva ŭ hetaj halinie čas ad času źmianiajecca. Pavodle apošnich papravak u Zakonie ab achovie zdaroŭja, jakija pačali dziejničać z kanca 2014 hoda, doktar moža admovicca rabić abort, kali niama pahrozy žyćciu žančyny.
Istotna zvuzilisia sacyjalnyja pakazańni dla praviadzieńnia abortu. Kali raniej da ich adnosili, siarod inšaha, šmatdzietnaść albo invalidnaść muža, to ciapier sacyjalnymi pakazańniami źjaŭlajucca tolki ciažarnaść u vyniku zhvałtavańnia dy fakt pazbaŭleńnia baćkoŭskich pravoŭ.
Značnuju rolu ŭ pryniaćci hetych źmienaŭ adyhrali aktyvisty «prałajf» ruchaŭ (ad anhł. pro-life – «za žyćcio»), u tym liku carkva. Na ich dumku, žyćcio čałavieka pačynajecca z momantu začaćcia, a tamu abort — heta zabojstva nienarodžanaha dziciaci. Adpaviedna, ich treba zabaranić ci chacia b abmiežavać.
Naprykład, aktyvisty Biełaruskaj chryścijanskaj demakratyi prapanoŭvali skaracić termin dla praviadzieńnia abortu da 7 tydniaŭ dy vyklučyć sacyjalnyja pakazańni.
Častka hramadstva (tak zvanyja prychilniki «pračojs» — ad anhł. pro-choice – «za vybar») davodziać, što žančyna musić sama vyrašać, što rabić ź niepažadanaj ciažarnaściu. Prava na abort razam z pravam na dastupnaść kantracepcyi - nieadjemnyja repradukcyjnyja pravy.
Ličyć embryjona roŭnym u pravoch z čałaviekam nie vypadaje, bo jon nie žyćciazdolny pa-za ciełam žančyny, pierakananyja pračojsiery. A kab źmienšyć kolkaść niepažadanych ciažarnaściaŭ, treba ŭvodzić seksualnaje vychavańnie ŭ škołach.
Letaś u Biełarusi było praviedziena kala 30 tysiač abortaŭ, ci 25 na 100 rodaŭ. Pačynajučy z 2000 hoda biełaruski zrabili amal miljon pieraryvańniaŭ ciažarnaściaŭ.
Ciońnia, 10 červienia, u redakcyi «NN» zasnavalnica prajektu «Hienderny maršrut», daśledčyca Iryna Sałamacina dy jurystka, kaardynatar kampanii «U abaronu žyćcia» BCHD Volha Kavalkova adkažuć na pytańni žurnalistaŭ i čytačoŭ «NN» na temu abortaŭ.
Hladzicie taksama apytanku siarod minčukoŭ:
Pakidajcie svaje pytańni da ŭdzielnic dyskusii ŭ kamientarach.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Kamientary