Fest «Baranavickaja vyšyvanka» adbyŭsia u Rusinach, pad Baranavičami, na siadzibie Tavarystva biełaruskaj movy. Tut sabrałasia kala sotni čałaviek. Prahučali vystupy pra historyju vyšyŭki i simvoliku, była arhanizavanaja vystava ručnikoŭ. Možna było ubačyć staryja fotazdymki biełarusaŭ u nacyjanalnych strojach.
Kiraŭnik baranavickaj filii TBM, arhanizatar festu Viktar Syryca raspavioŭ: «Upieršyniu ŭ Baranavičach my ładzim takoje śviata. Sabralisia, kab apranuć kašuli vyšyvanyja, pakazać ručniki, pasłuchać historyju vyšyvanki».
Mnohija z prysutnych, navat maleńkija dzietki byli adzietyja ŭ vyšyvanki. Baranavicki ŭkrainiec Ryhor Hryk pryjšoŭ u kašuli, jakuju šmat hadoŭ tamu pašyła jahonaja maci.
Adzin sa starejšych siabroŭ baranavickaj arhanizacyi Tavarystva biełaruskaj movy Česłaŭ Sucharebski raspavioŭ, što biełaruskaja kultura ciapier pieražyvaje nie najlepšyja časy i zaklikaŭ aktyŭniej «pakazvać svaju admietnaść, pakazvać svaju biełaruskaść».
Baranavicki pradprymalnik Mikoła Čarnavus pačastavaŭ udzielnikaŭ festu harbataj dy aładkami, pryhatavanymi na vohniščy kala siadziby.
Ciapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary