Strašnaja nie jadziernaja vajna, a epidemija.
Zasnavalnik Microsoft i samy bahaty čałaviek Ziamli ŭ intervju Vox raspavioŭ, što nie baicca padzieńnia asteroida ci jadziernaj vajny — chutčej čałaviectvu pahražaje hłabalnaja epidemija.
U sučasnych umovach epidemija nakštałt epidemii ispanki ŭ mižvajenny čas za 200 dzion zabje 33 miljony.
Kali pahladzieć na hrafik čałaviečych śmierciaŭ za XX st., možna pabačyć piki u časy Pieršaj suśvietnaj (jak minimum 26 młn achviar) i Druhoj suśvietnaj vojnaŭ (jak minimum 65 młn). Ale pamiž imi budzie pik, paraŭnalny z Druhoj suśvietnaj — u 1918-1919-m ispanski hryp zabraŭ kala 65 młn žyćciaŭ.
Šancy jadziernaj vajny padčas svajho žyćcia 59-hadovy Hiejts aceńvaje jak vielmi nizkija. Viadomyja dziakujučy Halivudu scenary katastrof — padzieńni asteroidaŭ, hłabalnyja ziemlatrusy i vyviaržeńni vułkanaŭ — jašče mienš imaviernyja.
Chacia miedycyna zrabiła za stahodździe fantastyčny skačok napierad, ludzi stali bolš pierasoŭvacca pa śviecie, što dazvolić chvarobam raspaŭsiudžvacca chutčej. Vyniki daśledavańnia hrupy navukoŭcaŭ, što prafinansavaŭ Hiejts, dajuć strašnyja ličby: sučasnaja epidemija moža za 100 dzion zabić 770 tysiač čałaviek, a za 200 dzion — 33 miljony.
Da taho ž, u śviecie isnuje niaroŭnaść u achovie zdaroŭja: kali amierykanski ŭrad tracić na zdaroŭje čałavieka pa 8 tysiač dalaraŭ na hod, to Erytreja — tolki 20 dalaraŭ.
***
Bił Hiejts tracić sotni miljonaŭ dalaraŭ na raźvićcio achovy zdaroŭja. Adna z apošnich inviestycyj — 75 młn dalaraŭ u sietku miedustanoŭ u Afrycy i Azii dziela baraćby ź dziciačaj śmiarotnaściu i praduchileńnia epidemij kštałtu Eboły. Dziela dabračynnaści Hiejts hatovy pić vadu, zdabytuju z kanalizacyi.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary