Pavodle exit poll, praviedzienym TVN, u druhim tury vybaraŭ prezidenta Polščy pieramohu atrymaŭ kandydat ad apazicyjnaj partyi «Zakon i spraviadlivaść» 43-hadovy Andžej Duda — jon nabraŭ 53%.
Dziejučy prezident Branisłaŭ Kamaroŭski nabiraje 47%. Jon ličyŭsia niezaležnym kandydatam, ale prychilnym da kiroŭnaj «Hramadzianskaj płatformy».
Jaŭka na vybarach skłała 56,1%. U pieršym tury, dva tydni tamu, Duda nabraŭ 34,7%, Kamaroŭski — 33,7%. Treciaje miesca zaniaŭ rok-muzyka Pavieł Kukiz (20%).
Pieršyja źviestki siońnia mielisia stać viadomyja a 22-j, ale abviaščeńnie vynikaŭ apytańnia było pieraniesiena na 1,5 hadziny z-za śmierci 80-hadovaj žančyny na ŭčastku ŭ miastečku Kavale, dzie naličvajecca 611 vybarcaŭ.
U Polščy paŭnamoctvy prezidenta nie takija šyrokija, jak, naprykład, u Biełarusi, ale jon — hałoŭnakamandujučy vojska, a taksama moža nakładać vieta na šerah zakonaŭ.
Kamaroŭski (jamu ciapier 62 hady) kiravaŭ krainaj z 2010 hoda, paśla taho, jak u avijakatastrofie zahinuŭ prezident Lech Kačyński, brat jaho Jarasłaŭ Kačyński i kiruje partyjaj «Zakon i spraviadlivaść». Heta partyja ličycca bolš kansiervatyŭnaj, čym «Hramadzianskaja płatforma». Ale ŭ cełym dalejšy kurs Polščy nie źmienicca.
Duda, naprykład, vystupaje suprać abortaŭ, adnapołych šlubaŭ i EKA (ekstrakarparalnaje apładnieńnie). Bolš skieptyčna stavicca da ES i vystupaje za pavieličeńnie dziaržaŭnaj padtrymki mienš zabiaśpiečanych słajoŭ nasielnictva. Duda karystajecca bolšaj papularnaściu va ŭschodnich rajonach Polščy, naprykład, na miažy ź Biełaruśsiu ci Ukrainaj.
Palitołahi taksama aceńvajuć vybary prezidenta, jak repietycyju pierad vybarami ŭ Siejm, što zapłanavanyja na vosień. Ciapier u parłamiencie bolšaść maje Hramadzianskaja płatforma.
-
Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
-
Žonka zahinułaha biełaruskaha dobraachvotnika patrabuje źmianić zakon pra zvańnie «Hieroj Ukrainy», jakim nielha ŭznaharodzić zamiežnikaŭ
-
Rasšyfravany virus Fast16, jaki škodziŭ iranskaj jadziernaj prahramie
Kamientary