Zbor katapulty i samahonavareńnie: što rabić na «Noč muziejaŭ»? 

16 maja ŭ Minsku projdzie čarhovaja «Noč Muziejaŭ», my vyrašyli zrabić padborku samaha cikavaha na hetyja sutki. Sioleta sapraŭdy jość čym zaniacca — pačynajučy ad fota na fonie vucha «Van Hoha» i zakančvajučy majstar-kłasami pa zbory katapulty i samahonavareńni.

Chto ž choča źjechać ź Minska, to ŭ jakaści varyjantaŭ prapanoŭvajem Mirski i Niaśvižski zamki.

Pavialičyć

Litaraturny muziej Maksima Bahdanoviča

Temaj «Nočy muziejaŭ» u muziei Maksima Bahdanoviča stała viasielnaja tematyka. Dla naviedvalnikaŭ budzie prapanavanaja admysłovaja prahrama, padčas jakoj možna budzie paznajomicca ź biełaruskimi tradycyjnymi viasielnymi śpievami, pahladzieć vystupleńnie teatralnaj dziciačaj studyi, dałučycca da tradycyjnych hulniaŭ, jakija pravodzilisia raniej na viačorkach, pasłuchać sučasnyja moładzievyja hurty. A śpiecyjalna dla maleńkich naviedvalnikaŭ prapanujecca dzionnaja prahrama.

Kali: 14.00 – 23.00

Dzie: vuł. Maksima Bahdanoviča, 7a

Košt: 15 000 rub

dzionnaja častka prahramy (14.00-17.00) – uvachod volny.

Pavialičyć

Muziej Jakuba Kołasa

U muziei Jakuba Kołasa ŭ hety dzień budzie, napeŭna, adna z samych nasyčanych i raznastajnych prahram «Nočy muziejaŭ». Pačniecca ŭsio ź interaktyŭnych ekskursij pa «žyvoj ekspazicyi», paśla kancert «šedeŭraŭ jeŭrapiejskaha baroka», padčas jakoha možna budzie pačuć vijałančeli, fartepijana dy flejtu. Da taho ž možna pryniać udzieł u majstar-kłasach pa vyrabie paštovak u technicy «kvilinh», i napisańni karcin u niezvyčajnaj technicy. Z 19.00 da 21.00 u dvoryku vystupiać vuličnyja teatry, z 21.00 da 22.30 u haścinaj na druhim paviersie — viečar u francuzskim styli. Na adnu hadzinu — z 19.00 da 20.00 — usim daduć napisać svajo patajemnaje žadańnie za stałom Jakuba Kołasa jahonym asabistym piarom. Naprykancy śviata – kancert hurtu «Sunduk».

Kali: 16.00-24.00

Dzie: vuł. Akademičnaja, 5 (st.m. Akademija navuk) 

Košt: Na ŭsie mierapryjemstvy, akramia kancertu, možna trapić, prosta kupiŭšy kvitok u muziej — 30 000 rub. Kvitok asobna na kancert — 100 000 rub. Kali kupić kvitok za 100 000 rub. zahadzia, to jon budzie dziejničać na ŭsie mierapryjemstvy na praciahu dnia.

Pavialičyć

Minski muziej papularnaj navuki «Elemienta»

U hety čas možna budzie pasłuchać šmatlikija lekcyi, u tym liku lekcyju pra «AES u Biełarusi», «Hałaktyku i mlečny šlach», a taksama pahladzieć na navukovaje šoŭ z vadkim azotam. Buduć i karysnyja majstar kłasy. Naprykład, «Jak zrabić katapultu»?

Kali: da 2-j nočy.

Dzie: vulica Alešava, 1

Košt: 50 000 rub. Dla naviedvalnikaŭ u biełych chałatach – biaspłatna.

Pavialičyć

Halereja Ščamialova

Haradskaja mastackaja halereja Ščamialova u hety dzień prapanuje svaim haściam majstar-kłasy pa malavańni ŭ luboj technicy. Fonam stanie pryjemnaja muzyka i vystava.

Dzie: Rakasoŭskaha, 49

Kali: z 11.00, majstar kłasy z 16.00

Košt: 10 000 rub.

Pavialičyć

Centr sučasnych mastactvaŭ

Centr sučasnych mastactvaŭ zrobić «Noč u styli Ścimpank». Tut možna budzie pasłuchać Puksta ci patančyć pad muzyku dydžeja. Jak dadatak — paravaja lalka i žyvyja skulptury.

Ścimpank (anhł. Steam — par) — heta adlustravańnie prydumanaha, fantastyčnaha śvietu, u jakim čałaviectva pajšło pa šlachu ŭdaskanaleńnia paravych mašyn i miechanizmaŭ, pry hetym elektryčnaści była adviedzienaja tolki dapamožnaja rola.

Dzie: Niakrasava, 3

Kali: z 19.00 da 24.00

Košt: 70 000 rub

Pavialičyć

Muziej Azhura

Muziej Azhura budzie mieć vyklučna načnuju prahramu, jakaja pačynajecca z 21.00. Pryśviečana jana budzie kinarežysioru Siarhieju Paradžanavu. Usiu noč u vystavačnaj zale i na fasadzie muzieja buduć pakazvać jahonyja filmy. U miemaryjalnaj zale raźmieścicca instalacyja «U prysutnaści Paradžanava» i budzie bieśpierapynna iści dakumientalnaja chronika pra jaho. U dvoryku ŭviečary syhrajuć «Sieriebrianaja svad́ba» i «Nahual», a potym na ŭsiu noč — miks ad Alex GooF. U skulpturnaj zale pakažuć sučasnyja filmy, jakija, na dumku arhanizataraŭ, supadajuć sa stylistykaj Paradžanava: «Apošniuju kazku Ryty» Renaty Litvinavaj, «Fantan» Darena Aranoŭski, «Vyžyvuć tolki paluboŭniki» Džyma Džarmuša, i inš. Usiu noč buduć pracavać fud-kort i łaŭnž-zona.

Dzie: vulica Azhura, 8.

Kali: z 21.00 da 6.00.

Košt: 150 000 rub.

Raskład 

Pavialičyć

Muziej Janki kupały

Samy tanny košt na Noč Muziejaŭ mienavita tut. Uvachod budzie kaštavać 1000 rub. Śviatočnaja prahrama nazyvajecca «Vakoł śvietu za adnu noč». Uvieś viečar u samim muziei i ŭ parku buduć śpiavać pieśni i tančyć nacyjanalnyja tancy 15-ci krain śvietu, ź jakimi tak ci inakš źviazana imia paeta: Biełarusi, Rasii, Ukrainy, Litvy, Łatvii, Čechii, Słavakii, Hruzii, Armienii, ZŠA, Kitaja, Brazilii, Indyi, Finlandyi i Izraila. Usim dzieciam abiacajuć sałodkija padarunki.

Dzie: vulica Janki Kupały, 4

Kali: 16-17 maja z 19.00 da 1.00

Košt: 1000 rub.

Raskład 

Pavialičyć

Muziej historyi teatralnaj i muzyčnaj kultury

Tut projdzie interaktyŭnaje šou «Misteryja majskaj nočy». Va ŭnutranym dvoryku buduć pierformansy, džaz i zapalnyja tancy. Unutry muzieja možna budzie ŭbačyć sučasnuju interpretacyju «Zdani opiery» u vykanańni artystaŭ Teatra opiery i baleta, a ŭ śpiecyjalnym videapakoi— pahladzieć uryŭki z roznych śpiektaklaŭ.

Dzie: Muzyčny zavułak, 5

Kali: z 19.00 da 24.00

Košt: 70 000 rub.

Pavialičyć

Litaraturny muziej Pietrusia Broŭki

Sioleta muziej vyrašyŭ zrabić zrez sučasnaj haradskoj kultury Minska i zaprasić tvorcaŭ sa svaimi prajektami.

Tut budzie i samaja prestyžnaja biełaruskaja premija ŭ halinie prozy, i adkryćcio vystavy sučasnaj fatahrafii, i cikavaja lekcyja pra toje, jak zrabić sapraŭdy intryhujučy partret. Heta nie kažučy pra vuličnych muzykaŭ i animacyjnuju prahramu karotkamietražnych filmaŭ ad mižnarodnaha kinafiestyvalu.

Kali: z 17.00

Dzie: vuł. Karła Marksa, 30

Košt – 30 000 rub. (da 18.00 – uvachod volny)

Pavialičyć

Nacyjanalny histaryčny muziej

Užo z 16.00 dvoryk muzieja zaprašaje ŭsich na kirmaš majstroŭ «Viečarovy jabłyčak», dzie buduć pravodzicca majstar-kłasy pa tancach, hulni na barabanach. Dla małych padrychtavany śpiektakl-znajomstva z knihaj ad kramy «Sundučok dziciačych knih», projdzie kancert muzyčnych hurtoŭ. Dla ŭsich naviedvalnikaŭ ŭvachod na kirmaš biaspłatny.

Z 19.00 dla ŭsich adčynić dźviery i sam muziej.

Na vystavie «Salvador Dali & Pabła Pikasa» naviedvalniki zmohuć ubačyć kieramiku Pikasa, a taksama kieramiku, hrafičnyja raboty i samyja znakamityja skulptury Dali. Možna budzie sfatahrafavacca ŭ vobrazach viadomych mastakoŭ, nadzieŭšy, naprykład, niezvyčajny pinžak-afradyzijak Dali. Taksama naviedvalnikaŭ čakaje defile ad madelnaha ahienctva «Tamara» i japonskaja mifałohija.

Dzie: vuł. K. Marksa, 12,

Kali: z 16.00

Košt: dla darosłych — 190 000 rub, dla studentaŭ — 140 000 rub, dla školnikaŭ — 110.000 rub.

Pavialičyć

Muziej historyi biełaruskaha kino

U ramkach mižnarodnaj akcyi «Noč muziejaŭ-2015» Muziej historyi biełaruskaha kino zaprašaje naviedać staradaŭniuju karčmu, jakaja budzie adnoŭlenaja ŭ budynku muzieja pry ŭdziele supracoŭnikaŭ muziejnaha kompleksu «Dudutki». Z 19.00 pa 01.00 naviedvalniki karčmy zmohuć paznajomicca sa staradaŭnimi receptami, stravami, napojami, zastolnymi tradycyjami biełarusaŭ. Možna budzie pasprabavać papularnyja napoi, akunucca ŭ atmaśfieru staradaŭnich noravaŭ i zvyčajaŭ, abnavić svaje viedy ab falkłornych tradycyjach. U prahramie taksama hulni, zabavy, pieśni.

A jašče tut budzie vystava pryśviečanaja historyi samahonavareńnia i baraćbie ź im.

Kali: z 19.00 do 1.00

Dzie: vuł. Śviardłova, 4

Košt: 30 000 rub.

Pavialičyć

Nacyjanalny mastacki muziej

Sioleta tut budzie bolš cicha.

Ale, jak zaŭsiody, najbolš interaktyŭna i sučasna.

Naviedvalnikaŭ budzie čakać pakoj šeptaŭ, pakoj cišyni z vystavaj fłuarescentnaha i psichadeličnaha mastactva, žyvymi karcinami, bosym studenckim teatram, viadučym fotapalavańnie na sumnych žyvioł, fotazonaj «Vucha Van Hoha», vystavaj kresłaŭ i interaktyŭnaj placoŭkaj «Anatomija pačućciaŭ», dzie navučać raspaznavać smak kaktusa, čuć koler «ściahna spałochanaj nimfy» i bačyć huki kosmasu.

Tut abiacajuć, što kožny vyznačyć dla siabie, katoraja cišynia jamu bolš za ŭsio padychodzić — ščymlivaja abo zvonkaja, miortvaja abo kryklivaja.

Dzie: vuł. Lenina, 4

Kali: z 19.00 da 24.00

Košt: 100 000 rub. (kvitki ŭžo jość u prodažy, lepš kuplać zahadzia, ich kolkaść abmiežavanaja)

Raskład

Pavialičyć

Mirski zamak

Sioleta Mirski zamak padrychtavaŭ sumiesna z Respublikanskim teatram biełaruskaj dramaturhii pryjemny padarunak dla ŭsich naviedvalnikaŭ. Va ŭnutranym dvoryku zamka adbudziecca pakaz śpiektakla «Adamavy žarty « (pa tvorach Franciška Alachnoviča i Leanida Radzieviča).

Viasiołaja historyja, jarkaja hulnia maładych akcioraŭ, šmat muzyki, płastyki. Pačatak śpiektakla a 19-j hadzinie, uvachod volny.

Pavialičyć

Niaśvižski zamak

Tut niekalki varyjantaŭ. Možna abrać zajmalnaje padarožža pa załach Niaśvižskaha mahistrata, sustrečy z histaryčnymi piersanažami, instalacyi, rolevyja hulni i viktaryny.

Košt kvitka:

školniki i studenty: 20 000 rub., darosłyja: 40 000 rub.

Druhi varyjant – padarožža pa interjerach pałacavaha ansamblu. Z 20.00 da 23.00.

Abiacajuć muzyčnaje supravadžeńnie i navat mistyku. Taksama buduć napoi i ježa. U zaviaršeńni viečara — bal u honar cudoŭnych łedzi: Barbary Radzivił, Franciški Uršuli Radzivił i Maryi Daroty de Kastelan de Talejran Radzivił;

Košt kvitka: 

školniki i studenty: 60 000 rub., darosłyja: 120 000 rub.

• 0
• 0
• 0
• 0
• 0
• 0
• 0
• 0