Brytanski paleantołah Chaŭjer Arteha-Ernandes, daśledavaŭ uzory zakamianiełaściaŭ mozhu samych staražytnych členistanohich istot i zmoh vyjavić momant u evalucyi žyvioł, kali ŭ ich pačała farmavacca hałava. Vyniki daśledavańnia byli apublikavanyja ŭ časopisie Current Biology.
Vyvučyŭšy skamianiełyja reštki dvuch vymierłych členistanohich — Helmetia expansa i Odaraia alata, navukoviec zmoh vyśvietlić, što ŭ hetych dahistaryčnych istot niekalki elemientaŭ ekzaškileta, da jakoha macujucca myšcy, nahadvajuć prymityŭnyja ściablinistyja vočy i złučajucca niervovymi vałoknami ź piaredniaj častkaj mozhu.
Na dumku paleantołaha, heta śviedčyćpra toje, što ŭ znojdzienych členistanohich pačynała farmavacca hałava, bo raniej viadomyja prodki hetych istot bolš byli padobnymi da čarviakoŭ. U ich isnavali piaredniaja i zadniaja častki cieła, adnak usie jaho strukturnyja adzinki słaba adroźnivalisia adna ad adnoj.
Arteha-Ernandes ličyć, što znojdzienyja zakamianiełaści, čyj uzrost naličvaje kala 500 miljonaŭ hadoŭ, nie tolki dapamahli ŭdakładnić momant pačatku farmiravańnia hałovy ŭ istot, ale i pakazvajuć na pieršyja prykmiety źjaŭleńnia ćviordaha ekzaškileta ŭ členistanohich i pieršaha škileta ŭ žyvych arhanizmaŭ naohuł.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary