«Baćka sinhapurskaj nacyi» Li Kuan Ju pamior viečaram u niadzielu na 92-m hodzie žyćcia. Niekalki dzion tamu jon byŭ špitalizavany ź pnieŭmanijaj u vielmi ciažkim stanie, paviedamlaje ŭrad horada-dziaržavy.
AFP
Li kiravaŭ vostravam na pasadzie premjer-ministra na praciahu 31 hoda, z momantu jak Sinhapur atrymaŭ niezaležnaść u 1959 hodzie.
Ekanamičnyja reformy, pačatyja palitykam, pryviali byłuju brytanskuju kałoniju da ekanamičnaha dastatku, adnak pravaabaroncy krytykavali Li za abmiežavańnie palityčnych i asabistych svabod hramadzian.
«Premjer-ministr z hłybokim smutkam paviedamlaje ab sychodzie Li Kuan Ju, pieršaha premjer-ministra Sinhapura. Spadar Li mirna pamior u hałoŭnym špitali Sinhapura», - havorycca ŭ paviedamleńni ŭrada.
U Sinhapury abjaŭlena tydniovaja žałoba pa pamierłym lidary krainy. Na praciahu hetaha času nad aficyjnymi budynkami buduć pryspuščany ściahi.
Dziaržaŭnaje telebačańnie pierapyniła svaje zvyčajnyja pieradačy paviedamleńniami pra śmierć zasnavalnika dziaržavy.
Li Kuan Ju da kanca žyćcia karystaŭsia vieličeznaj pavahaj siarod bolšaści žycharoŭ Sinhapura, jaki ŭ hetym hodzie adznačyć 50-hodździe svajoj niezaležnaści.
Prezident ZŠA Barak Abama nazvaŭ Li Kuan Ju mudrym dziaržaŭnym dziejačam i zajaviŭ, što hłyboka zasmučany viestkaj ab jaho śmierci.
U Sinhapury z časoŭ praŭleńnia Li dziejničaje zakanadaŭstva, vielmi žorstka rehłamientuje svabodu samavyjaŭleńnia žycharoŭ vyspy.
-
«Kab uvieś śviet havaryŭ pa-rusku, vyvučajcie aŭtamat Kałašnikava». U Rasii ŭdzielnik vajny daŭ nakaz školnikami 1 vieraśnia
-
Praz 30 hadoŭ sud nazvaŭ vinavataha ŭ zabojstvie Tupaka Šakura — adnaho z samych upłyvovych repieraŭ u historyi
-
Łatvija z 1 vieraśnia zabaraniła adusiul uvoz biełaruskich knih, adzieńnia i cacak
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha19
Kamientary