U admysłovaj rezalucyi, pryniataj na pasiadžeńni ŭ Strasbury, vykazvajecca «hłybokaja zaniepakojenaść rezkim paharšeńniem sytuacyi z pravami čałavieka ŭ Biełarusi ŭ 2008 hodzie».
Udzielniki Kanferencyi mižnarodnych niaŭradavych arhanizacyjaŭ Rady Eŭropy zakłapočanyja paharšeńniem sytuacyi z pravami čałavieka ŭ Biełarusi.
U admysłovaj rezalucyi, pryniataj na pasiadžeńni ŭ Strasbury, vykazvajecca «hłybokaja zaniepakojenaść rezkim paharšeńniem sytuacyi z pravami čałavieka ŭ Biełarusi ŭ 2008 hodzie». Ciaham dvuch tydniaŭ nia mienš za 45 čałaviek byli aryštavanyja, a sotni ludziej žorstka źbityja supracoŭnikami pravaachoŭnych orhanaŭ padčas mirnaj demanstracyi.
Pavodle rezalucyi, «aŭtarytarnaje kiravańnie ŭ Biełarusi pryviało da dyskryminacyi pravoŭ bolšaści biełarusaŭ».
Udzielniki kanferencyi vykazali zakłapočanaść tym, što palitviaźni Alaksandar Kazulin, Andrej Klimaŭ, Artur Fińkievič, Alaksandar Źdźvižkoŭ dahetul znachodziacca za kratami.
Jany zaklikali biełaruskija ŭłady «vyzvalić usich palitviaźniaŭ, spynić cisk na palityčnyja partyi, niaŭradavyja arhanizacyi i pieraśled ich aktyvistaŭ, vyklučyć sa składu kryminalnych złačynstvaŭ siabroŭstva ŭ niezarehistravanaj arhanizacyi i dziejnaść ad jaje imia, pavažać prava hramadzian na svabodu asacyjacyjaŭ i schodaŭ, nie pieraškadžać dziejnaści niedziaržaŭnych srodkaŭ masavaj infarmacyi, a taksama stvaryć umovy dla praviadzieńnia svabodnych i demakratyčnych vybaraŭ zhodna z eŭrapiejskimi vybarčymi standartami».
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj14
Kamientary