Pradstaŭniki Biełarusi na konkursie pieśni «Jeŭrabačańnie-2015» Uzari & Maimuna vystupiać u druhoj častcy pieršaha paŭfinału, jaki adbudziecca ŭ Vienie 19 maja.
Jak paviedamili ŭ pres-słužbie Biełteleradyjokampanii, losavańnie prajšło 26 studzienia ŭ miežach cyrymonii pieradačy simvaličnych klučoŭ «Jeŭrabačańnia» ŭ haradskoj ratušy, padčas jakoj aŭstryjskaja stalica aficyjna pryniała status horada — haspadara «Jeŭrabačańnia-2015».
Viali cyrymoniju papularnyja asoby telekanała ORF Andzi Knoł i Kaci Biełavič. Za losavańniem nazirali kaardynatar konkursu ad JEVS Jon Oła Sand i pradstaŭnik kampanii Digame, adkazny za telehałasavańnie, Tomas Nidermajer.
Aficyjny skład košykaŭ dla losavańnia, kab raźmierkavać udzielnikaŭ na paŭfinały, byŭ abjaŭleny JEVS napiaredadni. Košyki dla losavańnia raspracavanyja kampanijaj Digame na asnovie tendencyj hałasavańnia krain za apošnija piać hadoŭ.
Usiaho sioleta ŭ konkursie voźmuć udzieł 39 krain. Užo vyznačana, što ŭ pieršym paŭfinale 19 maja vystupiać 16 krain, u druhim 21 maja — 17.
U pieršym paŭfinale razam z pradstaŭnikami Biełarusi vystupiać i prahałasujuć Hrecyja, Makiedonija, Estonija, Niderłandy, Małdova, Finlandyja, Bielhija, Armienija, Sierbija, Danija, Rumynija, Rasija, Ałbanija, Hruzija i Vienhryja.
U druhim paŭfinale na scenu vyjduć vykanaŭcy Narviehii, Irłandyi, Čechii, Litvy, San-Maryna, Malty, Partuhalii, Čarnahoryi, Šviejcaryi, Azierbajdžana, Słavienii, Łatvii, Polščy, Isłandyi, Izraila, Kipra i Šviecyi.
Krainy «vialikaj piaciorki» — Italija, Ispanija, Hiermanija, Francyja, Vialikabrytanija — i arhanizatar konkursu hetaha hoda Aŭstryja aŭtamatyčna traplajuć u finał 23 maja, adnak jany taksama tranślujuć paŭfinały i hałasujuć za ich udzielnikaŭ. Ispanija, Francyja i Aŭstryja buduć aceńvać kankursantaŭ pieršaha paŭfinału, Hiermanija, Italija i Vialikabrytanija — druhoha.
Paradkavyja numary ŭdzielnikaŭ abodvuch paŭfinałaŭ buduć vyznačanyja paźniej rašeńniem pradziusaraŭ šou. Takaja sistema raźmierkavańnia kankursantaŭ u paŭfinałach dziejničaje ŭžo niekalki hadoŭ i dazvalaje arhanizataram rabić šou efiektnym i ŭnikalnym, zaznačyli ŭ pres-słužbie.
Pramuju tranślacyju dvuch paŭfinałaŭ i finału tradycyjna buduć vieści telekanały Biełteleradyjokampanii — «Biełaruś 1» i mižnarodny spadarožnikavy telekanał «Biełaruś 24».
-
«Ja była tolki abałonkaj čałavieka». Kajli Minoŭh raskazała, jak u jaje druhi raz dyjahnastavali rak i jak jana nie chacieła pra heta raskazvać
-
«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
-
Finlandyja, Danija, Narviehija. Abo Hrecyja ci Francyja? Top sioletniaha «Jeŭrabačańnia»
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary