Rasijskija kamandziry navučać biełaruskich aficeraŭ «hibrydnaj» vajnie
Asablivaści kiravańnia padnačalenymi vojskami i siłami va ŭmovach viadzieńnia «hibrydnaj» i «sietkacentryčnaj» vajny vyvučajuć kamandziry i načalniki Zachodniaj vajennaj akruhi (ZVA) ŭ chodzie aperatyŭna-mabilizacyjnaha zboru kirujučaha sastavu ZVA, jaki pačaŭsia ŭ sieradu ŭ Sankt-Pieciarburhu, paviedamlaje Ministerstva abarony Rasijskaj Fiederacyi.
«Upieršyniu ŭ aperatyŭna-mabilizacyjnym zbory kirujučaha sastavu ZVA biaruć udzieł aficery Hienieralnaha štabu Uzbrojenych sił Biełarusi.
Hienierałam i aficeram Sajuznaj dziaržavy treba abmianiacca dośviedam, a taksama pryniać udzieł u sieminarach i kruhłych stałach», — udakładniaje pres-słužba ZVA.
Kamandziry abjadnańniaŭ i złučeńniaŭ ZVA, štabnyja aficery «prasłuchajuć kurs lekcyj pa kiravańni vojskami i siłami va ŭmovach hłabalnaha infakamunikacyjnaha pola», jaki buduć čytać prafiesary i vykładčyki Vajennaj akademii Hienštabu RF.
U zbory biaruć udzieł bolš za 130 hienierałaŭ, admirałaŭ i aficeraŭ.
«Sietkacentryčnaja vajna — vajennaja daktryna (abo kancepcyja viadzieńnia vajny), ŭpieršyniu ŭžytaja na praktycy ministerstvam abarony ZŠA. Sietkacentryčnaja vajna aryjentavanaja na pavyšeńnie bajavych mahčymaściaŭ vojskaŭ u sučasnych vojnach i ŭzbrojenych kanfliktach za košt dasiahnieńnia infakamunikacyjnaj pieravahi, abjadnańnia udzielnikaŭ bajavych dziejańniaŭ u adzinuju sietku», — havorycca ŭ pres-relizie.
U svaju čarhu hibrydnaja vajna, jak ličać u štabie ZVA, — «vajennaja stratehija, jakaja abjadnoŭvaje zvyčajnuju vajnu, małuju vajnu i kibiervajnu». «Adnoj z hałoŭnych formaŭ viadzieńnia hibrydnaj vajny źjaŭlajucca infarmacyjnyja dziejańni, psichałahičnyja akcyi i kibiernietyčnyja ataki, nakiravanyja jak na strukturnyja techničnyja kampanienty dziaržavy, tak i na jaho hramadzian. Za apošnija hady kampanienty sietkacentryčnych hibrydnych vojn aktyŭna vykarystoŭvalisia procilehłymi bakami ŭ chodzie vojnaŭ i kanfliktaŭ u Iraku, Livii i Syryi», — adznačana ŭ paviedamleńni.
Kamientary