Prezidenty Biełarusi i Ukrainy Alaksandr Łukašenka i Piatro Parašenka praviaduć u niadzielu, 21 śniežnia, sustreču. Pra heta paviedamiŭ siońnia žurnalistam kiraŭnik biełaruskaj dziaržavy pry naviedvańni Dziaržaŭnaha kamiteta sudovych ekśpiertyz.
«U niadzielu, chutčej za ŭsio, my sustreniemsia z prezidentam Ukrainy. Jon učora patelefanavaŭ mnie i paprasiŭ, kab my niejak sustrelisia, pierahavaryli pa niekatorych pytańniach, dy i ja vykazvaŭ žadańnie, bo nam jość pra što pahavaryć u hetaj situacyi», — skazaŭ Alaksandr Łukašenka.
«Zychodziačy z hetaj razmovy, ja zrazumieŭ, što ŭkrainskaje kiraŭnictva, u pryvatnaści prezident Ukrainy, absalutna nie źjaŭlajecca pieraškodaj da pačatku novaha raŭndu pieramoŭ u Minsku», — adznačyŭ biełaruski lidar
«Jak jon skazaŭ, jon čakaje zaraz reakcyi z boku kiraŭnikoŭ Łuhanskaj i Danieckaj respublik. Kali tam damoŭlenaści buduć, to ŭ bližejšy čas jany mohuć sabracca znoŭ na hetaj placoŭcy ŭ Minsku, kab praciahnuć dyjałoh i padumać, u jakim kirunku jany buduć ruchacca», — skazaŭ Łukašenka.
Alaksandr Łukašenka padkreśliŭ, što samaje hałoŭnaje - heta dyjałoh. «Jak by ni było składana, ja razumieju i prezidenta Ukrainy, ale inšaha šlachu, jak sadzicca za stoł pieramovaŭ i vieści dyjałoh, ni ŭ jaho, ni ŭ kiraŭnikoŭ Daniecka i Łuhanska niama. Treba razmaŭlać. Usio roŭna niekali budzie mir. Ale nielha dalej iści šlacham eskałacyi i hibieli ni ŭ čym nie vinavatych ludziej», — miarkuje kiraŭnik Biełarusi.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary