Druhaja pasažyrskaja avijakampanija pačnie pracu ŭ Biełarusi nie raniej jak u 2016 hodzie
Druhaja pasažyrskaja avijakampanija moža pačać pracu ŭ Biełarusi ŭ pieršym kvartale 2016 hoda. Ab hetym 30 kastryčnika na pres-kanfierencyi z nahody dnia hramadzianskaj avijacyi paviedamiŭ dyrektar departamienta pa avijacyi Ministerstva transpartu i kamunikacyj Uładzimir Kościn.
Takaja kampanija, jak miarkujecca, budzie stvorana na bazie isnujučaj «Hrodnaavija». «Meta stvareńnia — dapoŭnić našu asnoŭnuju avijakampaniju «Biełavija», jakaja ŭžo daŭno pracuje na rynku pasažyrskich pieravozak i abnaŭlaje park sudnaŭ. Stvaranaja avijakampanija budzie pracavać nad adkryćciom novych maršrutaŭ i ŭ niejkaj stupieni, napeŭna, budzie kankuryravać z «Biełavija», — adznačyŭ Kościn.
Pavodle jaho słoŭ, na pieršym etapie razhladajecca mahčymaść palotaŭ, naprykład, z Hrodna ŭ rasijskija harady, u tym liku takija, jak Novasibirsk, Kazań. Nadalej pavietranyja sudny buduć taksama latać za miažu.
«Ciapier raspracoŭvajecca biźnies-płan, jaki, jak płanujecca, budzie hatovy najbližejšym časam. Papiarednie, pavodle našych raźlikaŭ, avijakampanija moža pačać svaju dziejnaść nie raniej jak u pieršym kvartale 2016 hoda. Padrychtoŭčy pieryjad budzie źviazany jak z kuplaj pavietranych sudnaŭ, tak i z padrychtoŭkaj avijapiersanału», — skazaŭ kiraŭnik departamienta pa avijacyi.
Jon taksama paviedamiŭ, što na pieršapačatkovym etapie da 2017 hoda płanujecca zakupka čatyroch pavietranych sudnaŭ. Miarkujecca, što heta buduć novyja rasijskija łajniery Sukhoi Superjet 100. U bolš addalenaj pierśpiektyvie, da 2020 hoda ci paźniej, miarkujecca nabyć kala 10 pavietranych sudnaŭ.
Pavodle słoŭ dyrektara departamienta pa avijacyi, užo praviedzieny papiarednija kansultacyi z vytvorcam Superjet 100. Razhladajecca niekalki varyjantaŭ zakupki sudnaŭ. Z pastaŭščykom samalotaŭ buduć praviedzieny pieramovy na hetu temu, jość taksama mahčymaść finansavańnia hetaha prajekta z pazabiudžetnych srodkaŭ fondu hramadzianskaj avijacyi, ź inviestycyjnaha fondu Ministerstva transpartu i kamunikacyj, ułasnyja i pazykovyja srodki.
«My nie budziem źviartacca pa dapamohu ŭ biudžet dziaržavy, bo ličym, što hetyja pytańni možna vyrašyć i biez dapamohi biudžetu. Jak my spadziajomsia, kali biźnies-płan budzie zaćvierdžany, to my znojdziem mahčymaść kupli hetych samalotaŭ», — adznačyŭ Uładzimir Kościn.
Kamientary