Pałkoŭnik Vjet Łuonh pryčapiŭ na vajskovaj bazie Fort-Chud u Techasie da svajoj formy hienieralskuju zorku i staŭ pieršym hienierałam amierykanskaj armii, narodžanym u Vjetnamie — praź niekalki dziesiacihodździaŭ paśla kryvavaj vajny, piša sajt statesman.com.
Z 1955 pa 1975 hod na terytoryi Vjetnama praciahvałasia vajna pamiž miascovymi kamunistami (Paŭnočnym Vjetnamam), padtrymanymi SSSR i Kitajem, i antykamunistami (Paŭdniovym Vjetnamam), jakija mieli dapamohu ZŠA i krainaŭ zachodniaha błoku.
Z 1965 da 1973 hodu amierykanskija naziemnyja vojski naŭprost vajavali na baku Paŭdniovaha Vjetnama i stracili tam kala 58 tysiač zabitymi.
Baćka Vjet Łuonha słužyŭ u marskoj piachocie Paŭdniovaha Vjetnama.
Siamja novaha hienierała, jaki naradziŭsia pad Sajhonam (ciapier Chašymin), źbiehła z krainy ŭ 1975 hodzie — pierad jaje poŭnym zachopam kamunistyčnymi vajskami, kali chłopcu było 9 hadoŭ.
Vjet Łuonh vajavaŭ u Iraku i Afhanistanie, a ciapier słužyć namieśnikam kamandujučaha 1 kavaleryjskaj dyvizii.
Pra pieršy bujny boj hetaj dyvizii z armijaj Paŭnočnaha Vjetnama byŭ źniaty film «My byli žaŭnierami» z Mełam Hibsanam u hałoŭnaj roli.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary