Alaksandr Łukašenka daručyŭ stvaryć u kožnaj vobłaści sielekcyjna-plemiannyja małočnyja fiermy.
Takuju zadaču pastaviŭ jon siońnia, naviedvajučy DP «ŽodzinaAhraPlemElita».
Jak było paviedamlena kiraŭniku dziaržavy, 41% małočnaha statka pa krainie skancentravany na pramysłovych pradpryjemstvach. Dla takoha sposabu hadoŭli žyvioły patrebnyja prystasavanyja dla hetaha žyvioły. Viadziecca praca pa stvareńni takoj biełaruskaj parody. Pierad navukaj staić zadača da 2020 hoda vyrašyć prablemu zabieśpiačeńnia fierm ułasnym plemiannym statkam. Dla hetaha ŭ kožnaj vobłaści nieabchodna stvarać Adpaviednyja sielekcyjna-plemiannyja małočnyja fiermy.
«Heta praryŭ u krainie. Heta daražej za zołata i zołatavalutnyja reziervy», — miarkuje Łukašenka.
Alaksandr Łukašenka daručyŭ da 1 kastryčnika pradstavić jamu narmatyŭna-pravavy akt, u jakim buduć padrabiazna prapisanyja ŭmovy, jakija spryjajuć stvareńniu takich fierm.
«Takim čynam, u nas budzie 7 fierm. I tady my atrymajem dobry plemianny materyjał», — adznačyŭ kiraŭnik dziaržavy.
«Vy nie pavinny pieratvaryć heta ŭ zvyčajnaje vysokadachodnaje rentabielnaje pradpryjemstva. Heta tolki adzin z bakoŭ, — padkreśliŭ Łukašenka. — Vy pavinny tut pradstavić nam biassprečnyja technałohii».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia
Kamientary