Nabyŭ moc pryhavor u dačynieńni da 34-hadovaha žychara Bresta, jaki pryčyniŭ z-za reŭnaści nažavoje ranieńnie mužu svajoj kachanaj.
Jak paviedamiła staršy prakuror adździeła prakuratury Bresckaj vobłaści Łarysa Karanievič, mužčyna niekalki hadoŭ sustrakaŭsia z zamužniaj žančynaj, jakaja pieryjadyčna sychodziła da jaho ad muža i zatym znoŭ viartałasia ŭ siamju.
U čarhovy raz paluboŭniki stali žyć razam vosieńniu 2013 hoda. Viečaram 10 listapada na adnoj z vulic Bresta, viartajučysia z haściej, jany sustreli muža žančyny.
Na hlebie niepryjaznych adnosinaŭ pamiž mužčynami ŭźnikła svarka, padčas jakoj paluboŭnik, jaki znachodziŭsia ŭ stanie ałkaholnaha apjanieńnia, dastaŭ składny knopačny nož i čatyry razy ŭdaryŭ im sapiernika.
Paśla hetaha jon uciok ź miesca złačynstva razam z kachanaj.
Vyklikanaja paciarpiełym chutkaja miedycynskaja dapamoha dastaviła jaho ŭ balnicu, dzie jamu padčas apieracyi vydalili paškodžanuju ŭ vyniku nažavoha ranieńnia sielazionku.
30 červienia 2014 hoda sud Maskoŭskaha rajona Bresta pryznaŭ 34-hadovaha mužčynu vinavatym pa č. 1 art. 147 KK (naŭmysnaje pryčynieńnie ciažkaha cialesnaha paškodžańnia, niebiaśpiečnaha dla žyćcia paciarpiełaha) i pryhavaryŭ da čatyroch hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.
Asudžany abskardziŭ pryhavor, zajaŭlajučy, što abaraniaŭsia, tamu što na jaho pieršym napaŭ paciarpieły.
5 vieraśnia sudovaja kalehija pa kryminalnych spravach Bresckaha abłasnoha suda adchiliła jaho skarhu, pakinuŭšy pryznačanuju sudom pieršaj instancyi mieru pakarańnia raniejšaj. Hety vierdykt nabyŭ zakonnuju moc.
Asudžany raniej sudzimy za padroblivańnie dakumientaŭ.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary