U Biełarusi z 2016 hoda ŭvodzicca zabarona na pastaŭki nieapracavanaj draŭniny na ekspart.
Takoje daručeńnie daŭ siońnia Alaksandr Łukašenka ŭ čas naviedvańnia Respublikanskaha lasnoha sielekcyjna-nasieńniavodčaha centra.
Alaksandr Łukašenka pacikaviŭsia ŭ prysutnych, ci ŭsio abjomy draŭniny pierapracoŭvajucca ŭ krainie. Pa słovach ministra lasnoj haspadarki Michaiła Amieljanoviča, u 2013 hodzie za miežy krainy było pradadziena nizkasortnaj draŭniny na $140 młn. Sioleta płanujecca realizavać 60 młn štuk pasadačnaha materyjału na Br24 młrd, u tym liku dekaratyŭnaha.
Łukšaenka źviarnuŭ uvahu na metazhodnaść taho, kab usia draŭnina pierapracoŭvałasia ŭ krainie.
«Kali tabie kapitalisty płaciać za jaje $150 młn u hod za hety chłam, značyć, jon tam patrebien, i jany atrymlivajuć, jak minimum, stolki ž u kišeniu dachodaŭ. Čamu my nie možam atrymać heta ŭ krainie?» - skazaŭ kiraŭnik dziaržavy.
«Davajcie damovimsia: hety i budučy hod vy jašče boŭtajeciesia, a z 2016 hoda — u vas poŭnaja zabarona na pastaŭki draŭniny za miežy krainy. Z 1 studzienia 2016 h vy syravinu za miežy krainy nie pastaŭlajecie! Tolki z vysokim dabaŭlenym koštam», - padkreśliŭ Alaksandr Łukašenka.
Jon adznačyŭ, što byvajuć vyklučeńni,
adnak pra ich nieabchodna dakładvać jamu asabista i bieź jaho viedama ničoha nie moža być pradadziena.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary