Usie šachty Achmietava ŭ Łuhanskaj vobłaści spynilisia. harniakoŭ evakuiravali
U Łuhanskaj vobłaści 9 šacht DTEK (abjadnańnia Rovieńkiantracyt i Śviardłoŭantracyt) spynili zdabyču vuhalu ŭ suviazi z pahrozaj adklučeńnia ad elektrazabieśpiačeńnia.
Ciapier zdabyča vuhalu nie viadziecca ni adnym z pradpryjemstvaŭ DTEK ŭ Łuhanskaj vobłaści.
Pra heta paviedamili ŭ pres-słužbie «DTEK».
«Spyniać zdabyču i vyvodzić ludziej na pavierchniu pryjšłosia praz toje, što ŭ vyniku bajavych dziejańniaŭ byli paškodžanyja 2 vysakavoltnych linii elektrapieradačy, jakija naležać NEK «Ukrenierha». Adzinaj krynicaj elektrazabieśpiačeńnia dla ŭsioj Łuhanskaj vobłaści ŭčora z 12-30 da 17-32 była Łuhanskaja TES, jakaja ŭvachodzić u enierhachołdynh DTEK», — paviedamili ŭ kampanii.
Usich harniakoŭ, jakija pracavali ŭ druhuju źmienu, vyvieźli na pavierchniu. Treciaja i čaćviortaja źmieny taksama nie spuskalisia pad ziamlu. U ahulnaj składanaści evakuiravana kala 3 tysiač čałaviek.
U subotu terarysty pramym papadańniem snarada razburyli bazavuju elektrapadstancyju.
Jak viadoma, 26 lipienia ŭ vyniku ŭzbrojenych sutyknieńniaŭ na terytoryi Łuhanska, horad abiastočany, adsutničaje padača elektraenierhii.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary