Rasija prapanuje niekatorym palitykam krain NATO bolš tannyja naftu i haz u abmien na vychad z Aljansu, skazała prezident Litvy Dala Hrybaŭskajcie ŭ intervju niamieckamu štotydnioviku Focus.
«Rasija sprabuje akazvać upłyŭ na tak zvanyja postsavieckija terytoryi i sprabuje zrabić tak, kab krainy Bałtyi pa-raniejšamu zaležali ad jaje ekanamična, enierhietyčna i palityčna. Taksama choča prymusić ich być mienš aktyŭnymi i łajalnymi krainami NATO i ES. (…) Akramia taho, my atrymlivajem infarmacyju, što ŭ inšych krainach Bałtyi, nie ŭ Litvie, bo my ŭ hetym płanie macniejšyja,
viaducca pieramovy ź niekatorymi palitykami, pastupajuć prapanovy z Uschodu, da prykładu, što kali jany vyjduć z NATO, to atrymajuć bolš tanny haz abo naftu», — skazała ŭ intervju Focus Hrybaŭskajcie.
Cytaty ź intervju BNS ŭ niadzielu pieradała pres-słužba prezidenta.
Pa słovach Hrybaŭskajcie, Zachad pavinien damahacca dyviersifikacyi i imknucca stać ekanamična niezaležnym ad Rasii, bo «zanadta ryzykoŭna» dalej zaležać ad jaje.
Ahienctva Reuters, jakoje zrabiła ahlad intervju, śćviardžaje, što prezident Litvy paraŭnała taktyku prezidenta Rasii Uładzimira Pucina ź dziejańniami savieckaha dyktatara Iosifa Stalina i nacysckaha lidara Adolfa Hitlera.
Pa słovach Hrybaŭskajcie, Pucin vykarystoŭvaje nacyjanalnaść jak prykryćcio dla zavajovy terytoryj vajennym sposabam. Toje ž samaje rabili Stalin i Hitler, tamu, pa słovach prezidenta Litvy, heta dakładnaje paraŭnańnie.
Ź inšaha boku, pa słovach kiraŭnika Litvy, uvarvańnie Rasii ŭ krainy Bałtyi naŭrad ci mahčymaje, bo jany źjaŭlajucca členami NATO.
I ŭsio ž, pa jaje słovach, krainam Bałtyi treba lepš padrychtavacca, kab takaja mahčymaść navat nie abmiarkoŭvałasia.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary