Na śniežańskaj sesii Minharsavietu budzie paŭtorna razhledžana pytańnie ab prysvajeńni staličnym vulicam imionaŭ Edvarda Vajniłoviča, Janki Bryla i Lava Sapiehi.
Pra heta ŭ intervju BiełaPAN paviedamiła sakratar kamisii pa najmienavańniach, pieranajmienavańniach płoščaŭ, vulic, praśpiektaŭ i inšych składalnych častak Minska ŭpraŭleńnia kultury harvykankama Natalla Starykava.
Pavodle jaje słoŭ, u Ministerstvie justycyi nie prajšło pravavuju ekśpiertyzu rašeńnie V siesii Minharsavieta ad 26 vieraśnia ab pieranajmienavańni vulicy Stanisłava Biersana ŭ vulicu E.Vajniłoviča i prysvajeńni vulicam, jakija prajektujucca, imionaŭ Ja.Bryla i Ł.Sapiehi. «Voś čamu hetaje rašeńnie nie budzie zarehistravana ŭ Nacyjanalnym rejestry narmatyŭna‑pravavych aktaŭ Respubliki Biełaruś», — skazała N.Starykava i admoviłasia davać dalejšyja tłumačeńni.
U Miniuście BiełaPAN paviedamili, što jurydyčnaje zaklučeńnie pa hetym pytańni nakiravana va ŭpraŭleńnie kultury Minharvykankama.
U intervju BiełaPAN pravaabaronca Hary Pahaniajła zaznačyŭ, što rašeńni Minharsavieta pa najmienavańniach i pieranajmienańniach staličnych taponimaŭ adnosiacca da narmatyŭna‑pravavych aktaŭ, jakija pavinny prachodzić adpaviednuju pravavuju ekśpiertyzu ŭ Ministerstvie justycyi. «Pry stanoŭčym jurydyčnym zaklučeńni rašeńnie Minharsavieta ŭklučajecca ŭ Nacyjanalny rejestr narmatyŭna‑pravavych aktaŭ, a pry admoŭnym — viartajecca ŭ Minharsaviet i nie maje nijakaj jurydyčnaj siły», — skazał H.Pahaniajła.
Kamientary