Tradycyjny biełaruska-rasijska-ŭkrainski fiestyval «Družba» praviaduć voddal miažy
Štohadovy mižnarodny pałatačny łahier «Družba», jaki tradycyjna pravodzicca na styku miežaŭ Biełarusi, Rasii i Ukrainy kala manumienta Družby, sioleta projdzie voddal ad miažy, na terytoryi Navazybkaŭskaha rajona Branskaj vobłaści.
Ab hetym BiełaPAN paviedamili ŭ departamiencie kultury Branskaj vobłaści.
Kožny hod prymajučym bokam stanovicca adna z abłaściej troch krain, i ŭ 2014 hodzie arhanizoŭvać łahier «Družba» i fiestyval «Słavianskaje adzinstva» pavinna Branskaja vobłaść.
U departamiencie adznačyli, što viadziecca rabota pa arhanizacyi fiestyvalu, udakładniajecca jaho prahrama. Łahier «Družba», rabota jakoha pačniecca 26 červienia, vyrašana było pravodzić nie na styku miežaŭ, a na terytoryi Rasii ź mierkavańniaŭ biaśpieki. Tym nie mienš apošni dzień łahiera i fiestyval «Słavianskaje adzinstva» arhanizatary majuć namier pravieści na styku miežaŭ kala manumienta Družby.
Jak padkreślili ŭ departamiencie, aficyjnyja zaprašeńni buduć nakiravanyja rasijskim bokam nie tolki biełarusam, ale i ŭkraincam. Adnak ci buduć jany ŭdzielničać u łahiery i fiestyvali, pakul nieviadoma.
Što da Mižnarodnaha dziciačaha fiestyvalu «Druźja, siabry, druzi — razam!», jaki taksama tradycyjna pravodzicca na styku miežaŭ i pačniecca sioleta 31 maja, to jon projdzie biez udziełu ŭkrainskaha boku. Fiestyval taksama arhanizavany voddal ad miažy, na terytoryi azdaraŭlenčaha łahiera ŭ Branskaj vobłaści.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj22
Kamientary