Jeŭrapiejski Sajuz nie pryznaŭ i nie pryznaje niezakonnyja i nielehitymnyja «refierendumy» nakštałt tych, jakija sieparatysty praviali 11 maja ŭ Danieckaj i Łuhanskaj abłaściach.
Pra heta idzie havorka ŭ vysnovach Rady ES, ahučanych paśla pasiadžeńnia z udziełam kiraŭnikoŭ dypłamatyj 28-mi krain-členaŭ.
«Jeŭrapiejski Sajuz ćviorda padtrymlivaje adzinstva, suvierenitet, niezaležnaść i terytaryjalnuju cełasnaść Ukrainy i zaklikaje Rasiju prytrymlivacca takich ža pryncypaŭ. ES zaniepakojeny dziejańniami prarasiejskich sieparatystaŭ pa destabilizacyi situacyi va ŭschodniaj i paŭdniovaj Ukrainie. Zachop administracyjnych budynkaŭ, vykradańni ludziej, zabojstvy i parušeńnie prava na svabodu ŚMI niezakonnymi ŭzbrojenymi hrupoŭkami źjaŭlajucca nieprymalnymi i pavinny spynicca», — havorycca ŭ punkcie 1 zaklučeńniaŭ Rady ES.
«ES nie pryznaje i nie pryznaje ŭčorašnija abo lubyja budučyja nielehitymnyja i niezakonnyja «refierendumy», — adznačajecca ŭ vysnovach.
Taksama Saviet ES u čarhovy raz asudziŭ anieksiju Kryma i Sievastopala Rasijaj i vykazała škadavańnie z nahody prysutnaści prezidenta Rasii Uładzimira Pucina na vajennym paradzie ŭ Sievastopali 9 maja.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty3
Kamientary