Siarhiej Michałok: A ŭvohule na klipie «Kapitał» čas stavić kropku.
Stali viadomymi vyniki ŭručeńnia rasiejskaj premii Rock Alternative Music Prize (RAMP) 2007: Rolik «Lapisaŭ» «Kapitał» uziaŭ pryz u naminacyi «Klip hodu».
Uznaharody premii muzyčnaha kanała A1 uručali ŭ apošni dzień kastryčnika ŭ maskoŭskim klubie «B1 Maximum». U videa‑narezcy pra klip «Kapitał» razvažańniami dzialilisia takija vidnyja dziejačy šoŭ‑bizu, jak pradusar «Čajfu» Dźmitryj Hrojsman, lider «Niesčasnoho słučaja» Alaksiej Kortnieŭ, paetesa Marharyta Puškina, muzyčnyja krytyki Arciemij Troicki, Barys Barabanaŭ i Kapitalina Dziełavaja. Takija narezki byli pra kožnaha naminanta, ale, badaj, tolki ŭ vypadku «Kapitału» eksperty prademanstravali absalutnuju adnahałosnaść — klip spadabaŭsia ŭsim.
Sami «Lapisy» pryjechać nie zmahli, tamu za pryzam u cišotcy z nadpisam «TT‑34» vyjšaŭ pres‑ataše Alaksandr Bierhier.
Siarhiej Michałok hladzieŭ internet‑tranślacyju cyrymonii:
«Ja liču, što heta, pierš za ŭsio, uznaharoda režysera Lošy Cierachava — mabyć, heta samy alternatyŭny čałaviek z usich, kaho ja viedaju», — ličyć Michałok. «A ŭvohule na klipie Kapitał čas stavić kropku — u nas dva novych videa na padychodzie!»
Adkryćciom hodu staŭ hurt «Morie», a «Underground act hodu» — kamanda «Sakura».
Akramia «Kapitału» na «Klip hodu» pretendavali, siarod inšych, Kipiełaŭ «Nie siejčas», Animal Džaz «Tri połoski», Jane Air «Supier źviezda» — vielmi surjoznyja supierniki.
Pa dva pryzy ŭziali Lumen («albom hodu» i «hurt hodu») i Animal Jazz (hit hodu i saŭndtrek hodu, za pieśniu da filmu «Hrafici»). Lepšym zamiežnym vykanaŭcam u naminacyi «International Akt hodu» byŭ nazvany hurt Korn.
Pryzy ŭ novych naminacyjach dastalisia Ziemfiry ŭ «Respect RUneta», i Kipiełavu ŭ «Otcy Roka».
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary