Syn staršyni CVK Lidzii Jarmošynaj praciahvaje trolić internaŭtaŭ (a zaadno i svaju maci) viasiołymi zdymkami.
Minuły raz advakat Alaksiej Jarmošyn pieradaŭ vitańnie z Haahi.
A ciapier karystalniki «Fejsbuka» sustreli jaho ŭ ciahniku Vilnia—Minsk u majcy z nadpisam «Ja lublu mamin boršč».
Alaksiej Jarmošyn adrazu ž apublikavaŭ svoj zdymak u hetaj majcy.
Frazu pra boršč, jakaja stała kryłataj, Lidzija Jarmošyna pramoviła padčas pres-kanfierencyi paśla Płoščy-2010. Na zaŭvahu, što siarod pratestoŭcaŭ taksama było niamała žančyn, staršyniu CVK, jak kažuć, paniesła:
«Hetym «žančynam» rabić niama čaho! Siadzieli b doma, boršč varyli. A nie pa płoščach šastali. Heta hańba dla žančyny — udzielničać u padobnych mierapryjemstvach».
Hety «boršč» pryhadvali Jarmošynaj jašče nie raz. Za jaho jana atrymała «pačesnaje» zvańnie «Seksist hoda».
* * *
Kamientary