Stała viadoma, kali možna spadziavacca na chutkasnuju elektryčku ź Minska ŭ aeraport
Prajekt užo znachodzicca ŭ raspracoŭcy: prajšli hramadskija abmierkavańni, ciapier farmirujucca krynicy finansavańnia i pryniata rašeńnie raspačać budaŭnictva, piša BiełTA.
Zapusk chutkasnaj elektryčki ź Minska ŭ Nacyjanalny aeraport z prypynkam u Kitajska-biełaruskim industryjalnym parku «Vialiki kamień» płanujecca na 2028—2029 hady.
Jak paviedamiŭ pieršy namieśnik hiendyrektara kampanii pa raźvićci parku «Vialiki kamień» Kirył Karaciejeŭ, čyhunka budzie iści ad centralnaha vakzała Minska ŭzdoŭž trasy M2.
Amal usiu infrastrukturu daviadziecca budavać z nula, tamu realizacyja i zojmie niekalki hadoŭ.
Akramia hetaha, kala aeraporta ŭzvodzicca bujny hruzavy kantejnierny terminał płoščaj 40 ha, jaki ŭžo maje 5 kiłamietraŭ čyhunačnych puciej.
Praduhledžvajecca, što industryjalny park «Vialiki kamień» u pierśpiektyvie pavinien stać paŭnavartasnym spadarožnikam Minska z kolkaściu žycharoŭ da 100 tysiač. Tut płanujecca šmatfunkcyjanalnaja zabudova: žyłyja kvartały, vytvorčaść, navukova-daśledčyja centry i zony adpačynku.
Biełčyhunka na 6 dzion admianiła niekatoryja ciahniki
Pad Smalavičami dvoje školnikaŭ zabaŭlalisia, kładučy cahlinu na rejki. Da ich pryjšła milicyja
Pasažyry biełaruskaha ciahnika sami prybrali biarozu, što ŭpała na rejki FOTA
Ci moža pasažyr ź vierchniaj palicy ŭ ciahniku prymusić čałavieka ź nižniaj padzialicca miescam? Nie ŭsio tak prosta
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary