U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej
U Francyi ŭłady razhladajuć mahčymaść abmiežavańnia dostupu da takich płatformaŭ, jak Bluesky, Mastodon i Reddit z-za najaŭnaści na ich parnahrafičnaha kantentu. Meta — abaranić ad padobnaha źmieściva dziaciej, piša Politico.
U ofisie ministarki ličbavych technałohij Francyi Kłary Šapaz paviedamili, što hetyja sajty mohuć pryznać parnahrafičnymi płatformami, što abaviazvaje ich uvodzić strohija praviły pravierki ŭzrostu ŭ adpaviednaści z novymi francuzskimi zakonami. Kali płatformy nie vykanajuć patrabavańni, im pahražajuć štrafy, vydaleńnie z pošukavych sistem abo poŭnaje błakavańnie, jak heta ŭžo było raniej u dačynieńni da sacsietki Ch (były Twitter).
Prezident Francyi Emanuel Makron, u svaju čarhu, prapanavaŭ naohuł zabaranić vykarystańnie sacsietak dla dziaciej da 15 hadoŭ. Jon navat hatovy ŭvieści takuju zabaronu ŭ miežach adnoj tolki Francyi, kali Jeŭrasajuz nie padtrymaje inicyjatyvu.
Pakul što sacsietki (u tym liku X, Reddit i Bluesky) nijak nie prakamientavali namiery francuzskich uładaŭ. Choć praviły Ch zabaraniajuć dostup da parnahrafii dla asob, maładziejšych za 18 hadoŭ, karystalniki mohuć paznačyć luby ŭzrost, što dazvalaje lohka abychodzić sistemu.
Francyja ŭžo niekatory čas uzmacniaje miery pa abaronie dziaciej u internecie — naprykład, patrabuje ad pornasajtaŭ abaviazkovaj pravierki ŭzrostu.
Novyja praviły pavinny byli ŭstupić u siłu 7 červienia, ale častka płatformaŭ vystupiła suprać. Za ihnaravańnie patrabavańniaŭ sajty mohuć być aštrafavanyja ci zabłakavanyja.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami12
Kamientary
Oni, užie srazu pośle roždienija, znajut, čto takoje połovaja blizosť, im nie nado otdielno pro prodołžienije roda rasskazyvať ili zaŝiŝať ot etoj informacii.
Połučajetsia, sriedniestatičieskij łoś horazdo umnieje ciełoj Francii ili luboj druhoj takoj "umnoj" strany.