Paviedamleńnie pra telefonnuju razmovu Łukašenki i Tuska źnikła z sajtaŭ prezidenta, BiełTA i «Interfaksa»
«Siońnia ź inicyjatyvy polskaha boku adbyłasia telefonnaja razmova Alaksandra Łukašenki z premjer-ministram Polščy Donaldam Tuskam. Abmiarkoŭvałasia raźvićcio mižnarodnaj abstanoŭki ŭ suviazi z padziejami va Ukrainie, paviedamili ŭ pres-słužbie Łukašenki», — takoje paviedamleńnie źjaviłasia siońnia na sajtach ahienctvaŭ BiełTA i «Interfaks-Zachad».
Źjaviłasia, ale nieŭzabavie źnikła.
Pa stanie na 20.30 naviny bolš niama. Publikacyi, zrešty, zachavalisia ŭ kešy. Voś skrynšoty.
Imavierna, biełaruskaje kiraŭnictva paličyła niemetazhodnym, kab infarmacyja pra razmovu z premjeram Polščy trapiła ŭ biełaruskija masavyja ŚMI.
Na dadzieny momant redaktary ahienctvaŭ BiełTA i «Interfaks» niedastupnyja dla kamientaroŭ.
Heta była pieršaja razmova kiraŭnika dziaržavy Jeŭrasajuza z Alaksandram Łukašenkam paśla pahromu Płoščy 2010 hoda.
Premjer-ministr Polščy Donald Tusk paćvierdziŭ žurnalistam, što ciaham apošnich niekalkich hadzin razmaŭlaŭ pra situacyju va Ukrainie z Alaksandram Łukašenkam, a ŭčora — z premjer-ministram Ukrainy Arsieniem Jacaniukom i kiraŭnikom Jeŭrakamisii Žaze Barozu. Tusk maje namier ŭviečary parazmaŭlać taksama z kiraŭnikom NATA.
«Pa niekalki hadzin razmaŭlaŭ z maimi partniorami pra situacyju va Ukrainie i pra toje, što moža adbycca litaralna na praciahu niekalkich dzion, učora — pieramovy z premjer-ministram Kanady Styvienam Charpieram, kiraŭnikom Jeŭrapiejskaj kamisii, premjer-ministram Ukrainy Arsieniem Jacaniukom, siońnia była razmova z prezidentam Respubliki Biełaruś — pieršaja takoha typu razmova, ale vyklikana jana dramatyčnaj situacyjaj va Ukrainie», — skazaŭ Tusk.
«Z hetych razmovaŭ vynikaje, što bližejšyja niekalki dzion stanuć klučavymi i što vielmi składana siońnia havaryć pra aptymistyčny scenar. Usie my, razam z maimi surazmoŭcami i inšymi partniorami, budziem staracca praduchilić čorny scenar», — skazaŭ siońnia premjer-ministr Polščy.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary