Padčas matču etapu baskietbolnaj Jeŭralihi pamiž kaŭnaskim «Žalhirysam» i maskoŭskim CSKA siońnia, 6 sakavika, fanaty haspadaroŭ matču padčas pradstaŭleńnia hulcoŭ maskoŭskaj kamandy aśvistali ich dy paviarnulisia da ich śpinaj, asudžajučy ahresiju Rasiju ŭ susiedniaj Ukrainie.
«Žalhirys» nie zastaŭsia abyjakavym da trahičnych padziejaŭ va Ukrainie. Čempijony Litvy nie tolki sastupili arenu «Žalhirys» kijeŭskamu «Budyvielniku», ale i addajuć srodki, atrymanyja za pradadzienyja kvitki paciarpiełym ukraincam.
Matč pamiž «Budyvielnikam» i JSF hladzieli 4500 hledačoŭ. Na trybunach byli płakaty ŭ padtrymku ŭkraincaŭ, ukrainskija ściahi.
«Ukraincy — litoŭcy z vami» — takaja raściažka bačnaja na trybunie zaŭziataraŭ «Žalhirysa». Ukrainskuju kamandu na arenie sustreli apładysmientami, usie zaŭziatary stajali.
Vyručka za kvitki skłała 6225 litaŭ (2,5 tys. dalaraŭ). «Žalhirys» vyrašyŭ achviaravać hetyja hrošy paciarpiełym žycharam Ukrainy.
«Inakš pastupić my nie mahli, — raspavioŭ ab dapamozie ŭkraincam dyrektar kamandy Paŭlus Matejunas. — My dziakujem našym zaŭziataram, jakija ŭ aŭtorak pryjšli na arenu».
Hrošy pojduć na humanitarnuju dapamohu, na reabilitacyju paciarpiełych.
Ciapier čytajuć
Kudy ciapier jeduć vučycca biełaruskija studenty — top krain i tendencyj12
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary