Na Vilejščynie 13-cihadovaje dzicia pamierła ad mieninhakokavaj infiekcyi
Vypadak byŭ zarehistravany 22 śniežnia. Pamierła 13-hadovaje dzicia.
Na pačatkovym etapie zachvorvańnie raźvivałasia jak VRVI, zatym rezka padniałasia tempieratura, źjaviŭsia syp, jaki za ličanyja chviliny pakryŭ usio cieła dziciaci.
Mieninhakokavaja infiekcyja raspaŭsiudžvajecca pavietrana-kropielnym šlacham – pry kašali, čchańni, razmovie, pry dosyć ciesnych i praciahłych znosinach. Niebiaśpieka zachvorvańnia ŭ tym, što jano moža raźvivacca ŭ ličanyja hadziny i navat chviliny (tak zvanyja «vokamhniennyja» formy zachvorvańnia), i vyratavać chvoraha atrymoŭvajecca nie zaŭsiody.
Pry mieninhakokavaj infiekcyi źjaŭlajecca mocny hałaŭny bol, jaki nie zdymajecca zvyčajnymi abiazbolvalnymi srodkami. Na praciahu hadziny zvyčajna padymajecca tempieratura da 39-40°, praź piać-šeść hadzin uźnikaje rvota, jakaja nie prynosić palahčeńnia chvoramu.
Ale samy hrozny simptom, na jaki abaviazkova treba źviarnuć uvahu – źjaŭleńnie sypu.
I mienavita pry najaŭnaści jaho treba abaviazkova paŭtorna vyklikać doktara.
Miery prafiłaktyki mieninhakokavaj infiekcyi
Kamientary