Aktyvistka ruchu Femen sarvała kaladnuju imšu ŭ Kiolnskim sabory. Pra heta ŭ sieradu, 25 śniežnia, paviedamlaje časopis Focus.
Pavodle źviestak vydańnia, padčas imšy 19-hadovaja aktyvistka zabrałasia na ałtar sabora z krykam: «Ja Boh!». Anałahičny nadpis byŭ naniesieny na jaje hrudziach. Akramia taho, aktyvistka kryčała, što vieryć u roŭnaść usich ludziej. U publikacyi adznačajecca, što žančynu praktyčna adrazu vyvieli z sabora, adnak heta ŭsio ž pryviało jaho naviedvalnikaŭ u zamiašańnie.
U svaju čarhu pres-słužba Femen patłumačyła, što akcyja pravodziłasia ŭ znak pratestu suprać zaklikaŭ Vatykana da admovy ad abortaŭ. Pres-słužba nie ŭdakładniaje, chto z udzielnikaŭ ruchu pravioŭ akcyju. Viadoma tolki, što heta aktyvistka niamieckaha adździaleńnia Femen
U svaju čarhu Focus adznačaje, što havorka chutčej za ŭsio idzie pra Žazefinu Vit, užo jakaja ŭdzielničała ŭ Hiermanii ŭ niekalkich praviedzienych rucham akcyjach.
U pryvatnaści, Vit była adnoj ź piaci aktyvistak ruchu, što raździelisia 8 krasavika pierad prezidentam Rasii Uładzimiram Pucinym padčas jaho vizitu ŭ Hanovier.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu12
Kamientary