Premjera «Pana Tadevuša» ŭ Kupałaŭskim u pastanoŭcy Pinihina — 15 studzienia
Nacyjanalny akademičny teatr imia Janki Kupały vyznačyŭsia z datami svajoj novaj premjery. Śpiektakl «Pan Tadevuš» u pastanoŭcy Mikałaja Pinihina budzie pakazany na vialikaj scenie 15, 16 i 17 studzienia (sierada — piatnica).
Heta budzie pieršaja sceničnaja viersija paemy Adama Mickieviča ŭ biełaruskim teatry. Dziejańnie ŭ tvory, pierakładzienaha Jazepam Siemiažonam, raźvivajecca na praciahu piaci dzion 1811 i adnaho dnia 1812 hoda. Apisanyja tam padziei adbyvajucca na bierahach Niomana napiaredadni prychoda Napaleona na našyja ziemli.
Pana Tadevuša syhraje Pavieł Charłančuk, Hrafa — Raman Padalaka, Telimienu — Julija Špileŭskaja i Śviatłana Anikiej, Zosiu - Marta Hołubieva i Kryścina Kazak.
Dla Kupałaŭskaha teatra śpiektakl stanie pieršaj premjeraj paśla rekanstrukcyi, jakaja skončyłasia ŭ sakaviku hetaha hoda. Z taho času Mikałaj Pinihin ažyćciaviŭ adnaŭleńnie lehiendarnaj «Paŭlinki», jakaja idzie ŭ Kupałaŭskim z 1943 hoda. A taksama pieranosiŭ na scenu śpiektakli, jakija raniej išli na inšych placoŭkach.
Naprykład, 27 i 28 śniežnia ŭ teatry paśla doŭhaha pierapynku pakažuć pastanoŭku «Translations». Heta historyja pra kałanizacyju Irłandyi Anhlijaj, abo jak anhlijskaja mova vyciaśniaje irłandskuju. Darečy, anhličanie ŭ pastanoŭcy kažuć pa-rusku, irłandcy - pa-biełarusku.
Cikava, nakolki palityčnaje supraćstajańnie budzie adlustravana ŭ «Panu Tadevušu».
Hieroj paemy ksiondz Robak ahituje šlachtu da paŭstańnia suprać rasijskich vojskaŭ i bitvy na baku Napaleona.
Razam ź Pinihinym nad novaj pastanoŭkaj pracujuć mastak Zinovij Marholin, mastak pa kaściumach Alena Ihruša i kampazitar Andrej Zubryč.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami3
Kamientary