Pradukcyjnaść pracy ŭ Biełarusi istotna adstaje ad jeŭrapiejskich krain.
Urad raźličvaŭ, što VUP krainy vyraście na 8,5%. Adnak pa vynikach troch kvartałaŭ ličba skłała ŭsiaho 1,1%, i toje častkova za košt źmieny mietadałohii padliku.
Čamu ekanomika Biełarusi bolš nie raście? Adkaz na hetaje pytańnie imknulisia dać ekanamisty Źmicier Kruk i Kaciaryna Barnukova padčas prezientacyi na Kastryčnickim ekanamičnym forumie, arhanizavanym Daśledčym centram IPM.
Źmicier Kruk źviartaje ŭvahu, što pačynajučy z 2008-ha hałoŭnym faktaram rostu biełaruskaj ekanomiki źjaŭlajecca naroščavańnie pramysłovych mahutnaściaŭ. A voś pradukcyjnaść rasła značna mienšymi tempami, faktyčna nie źmianiŭšysia. Vyčarpaŭšy svoj patencyjał, jana stała asnoŭnaj pieraškodaj dla rostu ekanomiki.
Adnu z asnoŭnych pryčyn takoj situacyi ekśpierty bačać u nieefiektyŭnym dyrektyŭnym kredytavańni.
Źmicier Kruk praanalizavaŭ rost pradukcyjnaści pa halinach biełaruskaj ekanomiki. Jon byŭ dasiahnuty tolki ŭ troch siektarach: paliŭnym (u tym liku dziakujučy lhotnaj rasijskaj nafcie), chimičnym (ekspart rastvaralnikaŭ) i pramysłovaści budaŭničych materyjałaŭ. Jaje roskvit ekśpiert tłumačyć štučnym stymulavańniem popytu ŭnutry krainy.
Pradukcyjnaść ekanomiki značna adstaje ad pakazčykaŭ u jeŭrapiejskich krainach, i adstavańnie skaračajecca nadzvyčaj marudna. Naprykład, u 2000-m biełaruskaja pradukcyjnaść składała 25% u paraŭnańni sa šviedskaj, a ŭ 2010-m — 30%. Pryčym pradukcyjnaść pramysłovaści adstaje ŭ najbolšaj stupieni.
«Źnižeńnie rostu ekanomiki — heta nie nastupstva suśvietnaha kryzisu, a sistemnaja prablema, źviazanaja ź nizkaj pradukcyjnaściu. A heta strata kankurentazdolnaści», — padsumoŭvaje Kaciaryna Barnukova.
Što treba rabić u atrymanaj situacyi? Ekśpierty rajać čynoŭnikam zabiaśpiečyć svabodnaje pieraraźmierkavańnie resursaŭ, što pavialičyć pradukcyjnaść. Adnak niespałučalnaść isnujučaj sacyjalna-ekanamičnaj prahramy raźvićcia Biełarusi z hetaj prapanovaj bačnaja navat nie ekanamistam.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty4
Kamientary