Alaksandr Łukašenka abjaviŭ padziaku ministru pracy i sacyjalnaj abarony Maryjanie Ščotkinaj.
«Hetaj uznaharody jana ŭdastojena za šmathadovuju plonnuju pracu, značny asabisty ŭkład u farmiravańnie i realizacyju dziaržaŭnaj sacyjalna-ekanamičnaj palityki», — havorycca ŭ paviedamleńni pres-słužby prezidenta.
Adpaviednaje rasparadžeńnie kiraŭnik dziaržavy padpisaŭ 19 listapada.
Maryjana Ščotkina naradziłasia 20 listapada 1958 hoda na vostravie Kaldzin Murmanskaj vobłaści. U 1982 hodzie skončyła Leninhradski dziaržaŭny ŭniviersitet imia Ždanava pa śpiecyjalnaści «fizika», u 2007 hodzie — Akademiju kiravańnia pry prezidencie Respubliki Biełaruś pa śpiecyjalnaści «dziaržaŭnaje kiravańnie sacyjalnaj śfieraj».
Z 1982 hoda pa 1985-y pracavała inžynieram vytvorčaha abjadnańnia «Intehrał» zatym — nastaŭnicaj fiziki, namieśnikam dyrektara škoły, dyrektaram škoły, načalnikam upraŭleńnia adukacyi administracyi Frunzienskaha rajona Minska.
Z 2003 hoda pa 2005-y — namieśnik kiraŭnika administracyi Leninskaha rajona Minska, z 2005 hoda pa 2007-y — staršynia kamiteta pa pracy, zaniataści i sacyjalnaj abaronie Minharvykankama.
Z 2007 hoda pracavała na pasadzie namieśnika ministra, pieršaha namieśnika ministra pracy i sacyjalnaj abarony. Z 4 śniežnia 2009 hoda — ministr pracy i sacyjalnaj abarony Biełarusi.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek3
Kamientary