JEK vydzielić 200 stypiendyj biełaruskim studentam dla navučańnia ŭ Jeŭropie
Jeŭrapiejskaja kamisija ŭ supracoŭnictvie z Radaj ministraŭ Paŭnočnych krain vydzielić 200 stypiendyj hramadzianam Biełarusi na navučańnie ŭ jeŭrapiejskich univiersitetach u miežach «Jeŭrapiejskaj stypiendyjalnaj prahramy dla maładych biełarusaŭ» (ESSB).
Jak paviedamlaje sajt ESSB, meta stypiendyjalnaj prahramy — «umacavać padmurak budučaha demakratyčnaha raźvićcia biełaruskaha hramadstva, dajučy pakaleńniu maładych biełarusaŭ dostup da vyšejšaj adukacyi bieź ideałahičnaha składnika, u adpaviednaści z akademičnymi standartami mižnarodnaha ŭzroŭniu».
Miarkujecca, što stypiendyjaty prahramy paśla jaje zakančeńnia buduć viartacca ŭ Biełaruś i stanuć aktyŭnymi hramadzianami, lidarami, jakija zmohuć spryjać madernizacyi krainy.
ESSB vydzielić minimum 200 stypiendyj na atrymańnie stupieni bakałaŭra ci mahistra va ŭniviersitetach pa ŭsioj Jeŭropie. Prahrama stypiendyj adkrytaja dla ŭsich maładych biełarusaŭ, jakija majuć naležnuju matyvacyju dla praciahu svajoj daśledčaj dziejnaści, adpaviadajuć akademičnym, linhvistyčnym i asabistym patrabavańniam.
Patencyjalnyja kandydaty mohuć padać zajaŭki z 15 listapada pa 6 śniežnia 2013 hoda na sajcie www.essyb.eu, dzie taksama možna daviedacca pra dadatkovyja detali prahramy.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia
Kamientary