1 listapada pavyšajucca taryfy na elektraenierhiju, ciapło i haz dla nasielnictva

Adpaviednaje rašeńnie zaćvierdžana pastanovaj Savieta ministraŭ ad 30 kastryčnik 2013 hoda № 941 , apublikavanaj na Nacyjanalnym pravavym internet–partale, paviedamlajuć naviny.by.

Tak, taryfy na elektryčnuju enierhiju dla nasielnictva buduć pavialičany na 8,3 %.

Adnastavačny taryf na elektraenierhiju ŭ žyłych damach (kvaterach), abstalavanych va ŭstanoŭlenym paradku elektryčnymi plitami, składzie 518,9 rubla za 1 kVt•hadz, dyfierencyravany taryf u takich žyłych pamiaškańniach u pieryjad minimalnych nahruzak (z 22.00 da 17.00) — 363,2 rubla za 1 kVt•hadz, a ŭ pieryjad maksimalnych nahruzak (z 17.00 da 22.00) — 610,6 rubla za 1 kVt•hadz.

Elektryčnaja enierhija dla patrebaŭ aciapleńnia i haračaha vodazabieśpiačeńnia z dałučanaj mahutnaściu abstalavańnia bolš za 5 kVt u pieryjad minimalnych nahruzak (z 23.00 da 6.00) padaražeje da 610,6 rubla za 1 kVt•hadz, u astatni čas sutak — da 1831,8 rubla za kVt•hadz.

U astatnich vypadkach adnastavačny taryf składzie 610,6 rubla za 1 kVt•hadz, dyfierencyravany taryf u pieryjad minimalnych nahruzak — 427,4 rubla za 1 kVt•hadz, u pieryjad maksimalnych nahruzak — 1221,2 rubla za 1 kVt•hadz.

Apošniaje padvyšeńnie taryfaŭ na elektraenierhiju było 1 vieraśnia — na 11,8 %.

Dakumientam taksama pavyšana cana na pryrodny i zvadkavany haz i taryfy na ciepłavuju enierhiju dla patreb aciapleńnia i haračaha vodazabieśpiačeńnia.

Taryf na ciepłavuju enierhiju dla patreb aciapleńnia i haračaha vodazabieśpiačeńnia pavialičany na 6,8 % da 75 719,6 rubla za 1 Hkał.

Košt 1 kubamietru hazu, što vykarystoŭvajecca ŭ žyłych damach i kvaterach z ustanoŭlenymi pryborami indyvidualnaha ŭliku raschodu, a taksama ŭ sadovych domikach (dačach) pry najaŭnaści indyvidualnych hazavych aciaplalnych pryboraŭ i (abo) hazavych vodanahravalnikaŭ ŭ aciaplalny pieryjad vyrasła na 8,8 % da 440 rubloŭ, u letni pieryjad — na 19 % da 1466,6 rubla, pry adsutnaści indyvidualnych hazavych aciaplalnych pryboraŭ taksama na 19% da 1466,6 rubla.

Apłata za haz, jaki vykarystoŭvajecca ŭ žyłych damach i kvaterach biez pryboraŭ indyvidualnaha ŭliku raschodu hazu pry najaŭnaści hazavaj plity i centralizavanaha haračaha vodazabieśpiačeńnia z adnaho žychara ŭ miesiac vyrasła na 19,3 % da 11 750 rubloŭ, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) na 19 % da 33 750 rubloŭ, pry najaŭnaści hazavaj plity i adsutnaści centralizavanaha haračaha vodazabieśpiačeńnia i hazavaha vodanahravalnika na 19,1 % da 19050 rubloŭ.

Dakumientam taksama na 19 % pavyšany ceny na zvadkavany haz, jaki vykarystoŭvajecca ŭ žyłych damach i kvaterach, — za bałon ŭ 21 kh da 3019 rubloŭ za kh, dla indyvidualnych reziervuarnych ustanovak (vadkaja faza) — da 7217,1 rubla za kh.

Apošniaje padvyšeńnie dadzienych taryfaŭ było 1 kastryčnika — na 12,7-32 %.

• 0
• 0
• 0
• 0
• 0
• 0
• 0
• 0