biez zamiežnaha ŭdziełu. Inicyjataram vystupaje «Pryjorbank».
biez zamiežnaha ŭdziełu. Inicyjataram vystupaje «Pryjorbank».
Mahčymaje stvareńnie chołdynhu na bazie akcyjanernych tavarystvaŭ «Krynica», «Biełsoład» i «Bieraściejskaje piva» stałasia vynikam narady ŭradu z prezydentam 23 žniŭnia, na jakoj apošni nastojliva paraiŭ šukać srodki na madernizacyju pivavarnaj haliny ŭnutry krainy, piša hazeta «Biełorusy i rynok». Spačatku va ŭradzie abmiarkoŭvałasia ideja abjadnańnia vyšejzhadanych pradpryjemstvaŭ u adno. Na realizacyju prahramaŭ raźvićcia novaŭtvoranaha pivavarnaha chołdynhu planavałasia pryciahnuć biudžetnyja srodki. Ale takaja ideja nie znajšła stanoŭčaha vodhuku va ŭradzie. Halinu vyrašana raźvivać za košt kredytavańnia. Inicyjataram takoha varyjantu vystupiŭ «Pryjorbank». Miarkujecca, što ŭ ramkach chołdynhu atrymajecca źnizić padatkovuju nahruzku i sabiekošt pradukcyi, što ŭ vyniku zrobić jaje kankurentazdolnaj. «Pryjorbank», zhodna takoha scenaru, ciaham 5 hod budzie kuryravać halinu. Bank vystupić arhanizataram pryciahnieńnia kredytaŭ na raźvićcio pradpryjemstvaŭ.
Niezaležnyja eksperty pieraścierahajuć, što pryciahnieńnie kredytaŭ akaža časovy, ale nie vyrašalny efekt. Biez praviadzieńnia surjoznaj investycyjnaj palityki biełaruskija pradpryjemstvy nia zdolejuć vystajać u baraćbie z kankurentami. U jakaści prykładu «BR» pryvodzić vopyt litoŭskich pivavaraŭ. Litva peŭny čas taksama nie adpuskała z ruk akcyi ajčynnych pivavarniaŭ, adnak rezkaje padzieńnie vytvorčaści i ekspansija zamiežnych brovaraŭ zmusiła litoŭski ŭrad puścić zamiežnych investaraŭ. Siońnia jakasnaje ŭłasna litoŭskaje piva pastupova vyciaśniaje zamiežnaje.
Nahadajem, što intares da biełaruskich brovaraŭ vykazvali Heineken, Baltic Beverages Holding AB (BBH), investhrupa Detroit Investment Ltd., SABMiller i kampanija Group Soufflet.
Ciapier čytajuć
Marata Markava pierasunuli z pasady ministra infarmacyi ŭ ministry kultury32
Kamientary