Śviata Biełaruskaj kuchni ŭ Biełaruskim Domie ŭ Varšavie — 26 kastryčnika
Hod tamu ŭ miežach kłubu biełaruska-polskich siemjaŭ Rodzinka my ŭpieršyniu praviali Dzień biełaruskaj kuchni. Impreza ŭdałasia: było smačna i dušeŭna. Tamu sioleta, spadziajemsia, udzielnikaŭ konkursu budzie bolej za letašni.
Pieramožcami minułaha hodu stali staradaŭniaja mačanka pa-pansku; vykštałconaja vałavina, zapiečanaja ŭ harbuzie i papularny ŭ Biełarusi siońniašniaj tort z vantrobaŭ.
Biełaruskaja kulinarnaja tradycyja spradvieku pieraplatałasia z habrejskaj, tatarskaj kuchniaj, a ŭ apošnija 80 hod - dapoŭniłasia i nacyjalnalnymi admietnaściami kolišnich savieckich respublik. Siońniašniaja mabilnaść čałaviectva istotna pašyryła asartymient firmovych siamiejnych straŭ, uzbahaciŭšy jaho ekzatyčnymi receptami na roznyja husty. A pažyŭšy ŭ Polščy, šmat chto ź biełarusaŭ pieraniaŭ i niekatoryja z tutejšych sakretaŭ. Tamu my nie robim abmiežavańniaŭ u nacyjalnalnym pachodžańni receptaŭ, prezentavanych na Dni biełaruskaj kuchni: kožny z udzielnikaŭ moža vybrać svaju ŭlubionuju stravu ci firmovuju siamiejnuju, pačastavać joju haścioŭ imprezy - i pieramahčy!
Dla pieramožcaŭ - simvaličnyja pryzy!
Jak heta budzie:
Niezaležna ad taho, ci ŭdzielničajecie vy ŭ konkursie, čakajem kožnaha z udzielnikaŭ - ź niejkaj stravaj da ahulnaha stała.
Pieramožcy konkursu vyznačajucca tak:
— my pišam na došcy nazvy ŭsich straŭ, jakija ŭdzielničajuć u konkursie;
— kožny z prysutnych moža vyznačyć paśla dehustacyi try lepšych na jahony hust;
— adznačyć hetyja try ŭ śpisie;
— zatym my padličym kolkaść «plusikaŭ» nasuprać kožnaj sa straŭ - i vyznačym pieramožcaŭ!;
— Dehustacyjnaja prahrama budzie ŭłučać u siabie i kolki tradycyjnych hulniaŭ.
Ščyra zaprašajem Vas da ŭdziełu: 26 kastryčnika, a 14 hadzinie, Biełaruski Dom (vuł Viejska, 13-3).
Vializnaja prośba paćvierdzić svaju prysutnaść, adkazaŭšy na hety list ci pa telefonie +48 511 26 74 74 (Dźmitry Barodka) ci +48 536 977 185 (Julija Rymašeŭskaja)
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary