Namieśnik ministra pracy: Časovy vyjezd biełarusaŭ na zarobki za miažu niasie pazityŭ
Časovy vyjezd biełarusaŭ na zarobki za miažu ciahnie i peŭnyja pazityŭnyja nastupstvy. Takoje mierkavańnie vykazaŭ pieršy namieśnik ministra pracy i sacyjalnaj abarony Piotr Hrušnik.
«Mihracyjnyja patoki pamiž Respublikaj Biełaruś, Rasijskaj Fiederacyjaj, inšymi krainami — heta realii ciapierašniaha času, — skazaŭ Piotr Hrušnik. — Adtok kadraŭ ź Biełarusi ŭ asnoŭnym nosić charaktar časovaj padpracoŭki z metaj materyjalnaj padtrymki svaich siemjaŭ, jakija praciahvajuć žyć, vučycca, pracavać u respublicy».
Pavodle jaho słoŭ, časovy vyjezd biełarusaŭ na zarobki za miežy krainy niasie ŭ sabie i peŭnyja pazityŭnyja nastupstvy.
Tak, pracoŭnaja mihracyja sadziejničaje vyrašeńniu prablemy zališniaj zaniataści ŭ arhanizacyjach. Najmalnik atrymlivaje mahčymaść skancentravacca na pavyšeńnie efiektyŭnaści vytvorčaści i adpaviedna na pavyšeńnie pradukcyjnaści pracy, zarabotnaj płaty, pašyreńni zaniataści ŭ budučyni. Źnižajecca cisk na nacyjanalny rynak pracy.
Pracoŭnyja-mihranty ŭzbahačajucca prafiesijnymi navykami i viedami dla dalejšaha prymianieńnia ich na radzimie. Akramia taho, časovy ekspart pracy supravadžajecca intensiŭnymi valutnymi pieravodami ŭ krainu.
«Mihracyja vysokakvalifikavanych śpiecyjalistaŭ źjaŭlajecca zakładam ŭzajemavyhadnych raźvićcia krain — udzielnic tych ci Inšych mižnarodnych sajuzaŭ.
Pakolki havorka idzie pra ŭzbahačeńnia idejami, viedami, prafiesijnymi navykami, jakija i vyznačajuć efiektyŭnaść sučasnaha ekanamičnaha raźvićcia, mihracyja hetych śpiecyjalistaŭ ŭjaŭlaje ahulny intares, — miarkuje pieršy namieśnik ministra. — ale tolki ŭ tym vypadku, kali havorka idzie ab časovaj, zvarotny mihracyi».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary