Viciebskamu doktaru Pastnovu źmianili ŭtrymańnie ŭ psichbalnicy na dzionny stacyjanar
Viciebskaha doktara Ihara Pastnova 20 vieraśnia pieraviali z režymu pastajannaha ŭtrymańnia ŭ psichijatryčnaj balnicy na dzionny stacyjanar, paviedamlaje BiełaPAN.
«Ja jašče absalutna nie vyzvaleny, a pieraviedzieny na dzionny stacyjanar i pavinien pastajanna tudy źjaŭlacca, heta značyć jak by vyzvaleny „ŭmoŭna-daterminova“.
Ale samaje hałoŭnaje — spynili psichijatryčnaje lačeńnie. Mianie tam bolš za ŭsio pryhniatała lačeńnie psichatropami», — skazaŭ Pastnoŭ.
Ihar Pastnoŭ apynuŭsia na lačeńni ŭ psichijatryčnaj balnicy paśla svajho apošniaha videavystupleńnia ŭ internecie.
Jon vykazaŭ krytyčnyja mierkavańni ab stanie viciebskaj miedycyny, prymusovym kadziravańni ad ałkahalizmu, a taksama zajaviŭ, što jaho zapałochvajuć prymusovym psichijatryčnym lačeńniem.
16 žniŭnia Pastnova zabrali ŭ lačebnicu z pracy.
29 žniŭnia pravaabarončaja arhanizacyja «Mižnarodnaja amnistyja» zajaviła pra hatoŭnaść pryznać Ihara Pastnova viaźniem sumleńnia.
«Zatrymańnie Ihara Pastnova mahło być nieabhruntavanym z-za vykazvańnia im zakonnaj krytyki sistemy achovy zdaroŭja Viciebskaj vobłaści. Kali heta tak, to „Mižnarodnaja amnistyja“ budzie ličyć jaho viaźniem sumleńnia», — havaryłasia ŭ zajavie pravaabarončaj arhanizacyi.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary