Bułhakaŭ pra dopis Navalnaha pra movu: Vykazvańni Łukašenki bolš abraźlivyja i niedapuščalnyja
«Biełaruskaja mova — heta niešta čaroŭnaje: „restaran“. Nibyta piśmovaść prydumali chačyki, jakija abjadnalisia z padonkami», — napisaŭ Alaksiej Navalny ŭ svaim Žyvym žurnale piać hadoŭ tamu, 20 červienia 2008 hoda.
Valer Bułhakaŭ, redaktar Arche, miarkuje, što takija vykazvańni — vina zusim nie Navalnaha, a biełaruskich intelektuałaŭ:
«Post nie novy i nijak nie adlustroŭvaje evalucyju Alaksieja Navalnaha, jakuju jon pieražyŭ za apošnija hady, pieratvarajučysia ź siaredniaj ruki biznesoŭca i aktyŭnaha błohiera ŭ palityka, jaki maje vialikija ambicyi ŭ RF.
Varta razhladać hety post z pazicyi, jakuju jaho aŭtar zajmaŭ 5 hadoŭ tamu.
Jon byŭ prosta čałaviekam, jaki nie mieŭ dačynieńnia da aktyŭnaj palityčnaj baraćby
i ŭ strašnym śnie nie moh padumać, što jaho vykazvańni mohuć być prainterpretavanyja zamiežnymi supolnaściami jak niešta traŭmatyčnaje i niedapuščalnaje.
A druhoje — vyjaŭlajecca optyka sučasnaha rasijskaha intelektuała, praź jakuju jon pahladaje na Biełaruś. Karani takoj kancepcyi ŭ niedarečnaści biełaruskaj dziaržavy jak takoj. I biełaruskaja mova, i hramadstva, i dziaržava vyhladajuć tam jak niešta niedarečnaje i kanjunkturnaje, abumoŭlenaje niejkimi zbojami ŭ palityčnaj mašynie, jakaja isnavała na biełaruskich ziemlach usio XX st.
Niama ničoha dziŭnaha, što Navalny pahladaje na Biełaruś, jak jaho ciozka Alaksiej Kudryn, jaki niadaŭna ŭsumniŭsia ŭ patrebnaści isnavańnia biełaruskaj valuty.
Ale vina palahaje nie na Navalnym i Kudrynu, a na biełaruskaj intelihiencyi i dziaržavie, jakija ničoha nie zrabili dla taho, kab padobnyja sposaby pazirańnia na Biełaruś nie pradukavalisia.
Kab heta spynić, nie treba zaklikać da ćviarozaha rozumu Navalnaha, Kudryna ci Uładzimira Uładzimiraviča Pucina. Treba vieści intelektualnuju palemiku, pravodzić dyjałoh na ŭzroŭni palityčnych i kulturnych elitaŭ abiedźviuch krainaŭ, treba, kab biełaruskija intelektuały aktyŭna prysutničali ŭ rasijskaj prastory i prapanoŭvali svajo bačańnie Biełarusi. Hetaha nie adbyvajecca.
Ničoha nadzvyčaj abraźlivaha ŭ vykazvańni Alaksieja Navalnaha ja nie baču. Vykazvańni biełaruskaha prezidenta na hetuju temu značna bolš abraźlivyja i niedapuščalnyja».
-
ŚMI zamianiajuć biełarusam dziaržavu. I inakš pakul nie budzie
-
Źmicier Daškievič: U vyhnańni ja vałacuha, ale maju toje, čaho ciapier nie było b dla mianie ŭ Biełarusi — mahčymaść prynosić Hospadu płod
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary