Paśla paviedamleńniaŭ ab zaminiravańni ŭ Maładziečnie adpuścili z zaniatkaŭ vučniaŭ usich 14 haradskich škoł, paviedamlaje miascovaja «Rehijanalnaja hazieta».
«Tym časam adździeł adukacyi Maładziečanskaha rajvykankama paviedamlaje, što iduć vučeńni pa hramadzianskaj abaronie. U MNS kamientavać situacyju admovilisia», — piša vydańnie.
Jak paviedamili haziecie niekatoryja nastaŭniki, listy z pahrozami ab mahčymych vybuchach u niekatorych škołach pryjšli na elektronnyja adrasy ŭsich navučalnych ustanoŭ horada.
«Heta nie vučeńni, tamu što dadomu adpuścili ŭsich dziaciej, a nastaŭnikam skazali čakać na vulicy kala škoły.
Nikoha ŭ pamiaškańnie nie puskajuć. Ź Minska jedzie hrupa raźminiravańnia, jakaja budzie praviarać usie škoły», — cytuje «Riehionalnaja hazieta» adnaho ź piedahohaŭ.
Razam z tym adzin z čytačoŭ partała tut.by paviedamiŭ, što paviedamleńni ab zaminiravańni pastupili ŭ dzieviać škoł.
Pra toje, što ŭ šerahu škoł Maładziečna idzie evakuacyja školnikaŭ, paćvierdzili ŭ MUS Biełarusi i UUS Minskaha abłvykankama.
Pavodle infarmacyi načalnika adździaleńnia infarmacyi i hramadskich suviaziaŭ UUS Minskaha abłvykankama Alaksandra Danilčanki, paviedamleńni ab zaminiravańni šerahu škoł pastupili siońnia na adras kiraŭnikoŭ hetych navučalnych ustanoŭ. U Maładziečna vyjechali śpiecyjalisty — ŭzryvatechniki śpiecpadraździaleńnia pa baraćbie z teraryzmam MUS «Ałmaz» i ŭnutranych vojskaŭ.
«Milicyja i miascovyja orhany ŭłady prymajuć miery pa zabieśpiačeńni biaśpieki», — skazaŭ Danilčanka. Nijakaj paniki ŭ horadzie niama, padkreśliŭ pradstaŭnik UUS Minabłvykankama.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary