Kiraŭnictva novaha spadarožnikavaha kanału «Biełsat» paviedamiła siońnia, što adpaviednyja biełaruskija struktury admovili kanału ŭ nabyćci damenu belsat.by, pryčym firma‑pasiarednik, jakaja vystupała ad imia «Biełsatu» zajaŭlaje, što pryčyny admovy biełaruski bok nie patłumačyŭ.
«Biełsat» źviarnuŭsia da firmy home.pl z zapytam, ci možna nabyć adras belsat.by dla internet‑staronki kanału. Firma spraŭdziła — hety damen volny, i zapeŭniła kanał, što jon budzie nabyty dla «Biełsatu».
Adnak praź niekalki dzion firma home.pl paviedamiła kanału, što biełaruski bok admoviŭsia pradać damen belsat.by, nijak nie patłumačyŭšy svajo rašeńnie. Pavodle pradstaŭnika firmy z takoj sytuacyjaj home.pl sustrakajecca ŭpieršyniu.
Voś jak prakamentavała sytuacyju dyrektar kanału «Biełsat» Ahnieška Ramašeŭska‑Huzy:
«Ja ŭvohule nie razumieju hetaha kroku. Mnie padajecca, što kali nam admaŭlajuć u nabyćci damenu, dyk tyja, chto pryniaŭ takoje rašeńnie, mierkavali, što tam budzie źmieščanaja niejkaja nieadpaviednaja infarmacyja. Ale heta pakul tolki damen, i ŭ jahonaj naźvie niama ničoha, što mahło kahości aburyć. Heta mianie niepakoić, bo kali zarehistravać damen — heta ŭžo prablema, dyk ničoha dobraha dla svabody słova ŭ Biełarusi čakać nie vypadaje. Kali nazoŭ pieraškadžaje, dyk što ŭžo kazać pra źmiest».
Pavodle spadaryni Ramašeŭskaj, staronka «Biełsatu» ŭ internecie ŭsio adno źjavicca.
«My ŭžo majem zarehistravanyja dameny — belsat.eu, belsat.com, tak što z hetym niama prablemaŭ — budziem raźmiaščać našuju staronku tam. My paprostu chacieli, kab staronka kanału była taksama i na biełaruskim damenie».
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary