Ad kanca maja ciahniki na ŭkrainskija kurorty buduć adpraŭlacca nie ź Minska, a z rehijonaŭ
Novy hrafik ruchu pasažyrskich ciahnikoŭ na 2013 — 2014 hady pačnie dziejničać u Biełarusi z 26 maja.
Namieśnik načalnika adździeła arhanizacyi pasažyrskich pieravozak pasažyrskaj słužby Biełaruskaj čyhunki Kanstancin Bajar, u pryvatnaści, źviarnuŭ uvahu na novaŭviadzieńni.
Siarod inšaha, pa maršrucie Minsk — Hrodna budzie pavialičana kolkaść ciahnikoŭ da čatyroch, uličvajučy papularnaść hetaha kirunku.Čas u šlachu pamiž Minskam i Vilniaj skarocicca z troch da dvuch z pałovaj hadzin.
Z 26 maja taksama praduhledžana źmianieńnie pačatkovych stancyj adpraŭleńnia niekatorych mižnarodnych ciahnikoŭ.
U pryvatnaści, ciahniki №140/139 Minsk — Simfieropal i №384/383 Minsk — Maryupal, jakija ciapier buduć adpraŭlacca z Baranavičaŭ i jechać praz stalicu.
Ciahnik № 4/3 Minsk — Maskva budzie kursiravać z Bresta, №486/485 Minsk — Fieadosija — z Hrodna, №494/493 Minsk — Simfieropal — z Połacka,№371/372 Minsk — Čarnaŭcy — z Mahilova.
Hetyja źmieny vyklikanyja zapłanavanymi rabotami pa rekanstrukcyi na Minskim čyhunačnym vuźle, jakija praduhledžvajuć stvareńnie ŭ rajonie Dziehciaroŭki sučasnaj vytvorča-techničnaj bazy pa padrychtoŭcy pasažyrskich vahonaŭ u rejs.
Jak i raniej, hetyja maršruty buduć prachodzić praź Minsk, tamu prablem z kuplaj kvitkoŭ u staličnych pasažyraŭ u suviazi z hetym nie ŭźniknie, padkreślili śpiecyjalisty.
Dzie možna kupić kvitok na ciahnik u Minsku i vakolicach
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary