Siarhiej Darafiejeŭ pierachodzić na telekanał administracyi Janukoviča

Były televiadučy kanała ANT Siarhiej Darafiejeŭ, jaki pierajechaŭ pracavać va Ukrainu, pierachodzić ź niezaležnaha «5 kanała» na kanał «Inter», padkantrolny Siarhieju Lovačkinu — kiraŭniku administracyi prezidenta Viktara Janukoviča.

Na «5 kanale» teležurnalist vioŭ pieradaču «Partrety ź Siarhiejem Darafiejevym».

Na «Intery» jon budzie pracavać u prajekcie «Pozaoči» («Za vočy»), dzie taksama biarucca intervju ŭ viadomych ludziej.

Pa słovach Darafiejeva, jon razhladaje mahčymaść udziełu ŭ niekalkich prajektach, a na «Intery» bačyć dla siabie bolš mahčymaściaŭ dla realizacyi jak miedyjamenedžara i viadučaha, čym na «5 kanale». «Heta moj pieršy kanał, na jakim ja pracavaŭ u Ukrainie. Heta kanał, jaki harantavaŭ i zabiaśpiečyŭ mnie vysokuju stupień prafiesijnaj svabody. Za heta ja zaŭsiody budu ŭdziačny svaim supracoŭnikam i kaleham z „5 kanała“ i asabista Piatru Parašenku» (ułaśnik «5 kanała»), — skazaŭ jon.

Darafiejeŭ vykazaŭ nadzieju, što takaja ž svaboda ŭ jaho budzie i na «Intery». «Heta vialikaja kampanija ź vialikaj televytvorčaściu, i takaja praca bližej da taho, čym ja zajmaŭsia ŭ Minsku. Na 5-m kanale, farmatnym, mnie hetaha nie chapała», — zajaviŭ viadučy.

Hienieralny pradziusar «5 kanała» Juryj Ścieć zajaviŭ, što ździŭleny infarmacyjaj ab pracy Darafiejeva na «Intery». «Nakolki mnie viadoma, u jaho była damoŭlenaść z „5 kanałam“ pra toje, što Siarhiej pracuje ŭ efiry da maja. Taksama my kazali, što da kanca telesiezona jon źjaŭlajecca tvaram tolki „5 kanała“. Narešcie,

infarmacyja ab jaho pierachodzie na „Inter“ pavinna była być apublikavanaja ŭ sumiesnym pres-relizie kanała i Darafiejeva ŭ kancy supracoŭnictva, u apošnija dni krasavika», —

Apošni efir u Biełarusi (tok-šou «Vybar») Darafiejeŭ pravioŭ u noč paśla prezidenckich vybaraŭ 19 śniežnia 2010 hoda. Nie vytrymaŭšy jaho pytańniaŭ, studyju pakinuła kiraŭnik CVK Lidzija Jarmošyna, a Alaksandr Łukašenka nazvaŭ viadučaha «maładym žurnalistam, jakoha treba pastavić na miesca». Pracu na «5 kanale» Darafiejeŭ pačaŭ u kastryčniku 2011 hoda. U listapadzie 2012-ha atrymaŭ premiju «Teletryumf» u naminacyi «Intervjujer».

Papularny ŭ susiedniaj krainie internet-resurs «Ukrainskaja praŭda» navinu ab pierachodzie žurnalista na inšy kanał raźmiaściŭ pad zahałoŭkam «Prałukašenkaŭski Darafiejeŭ budzie słužyć Lovačkinu».

• 0
• 0
• 0
• 0
• 0
• 0
• 0
• 0