Ekśpiert nazvaŭ favarytaŭ na kankłavie

Vystupy na siesijach kalehii kardynałaŭ u Vatykanie i niefarmalnyja kansultacyi, jakija adbyvajucca pa-za pasiedžańniami, tych, chto voźmie ŭdzieł u vybarach, Tarnijeli, jaki za apošnija hady zrabiŭ šerah dakładnych prahnozaŭ, nazyvaje «ekvivalentam palityčnych prajmieryz».

Jak paviedamiŭ partał Vatican Insider, na jaho dumku, kardynały z roznych hrup sprabujuć zrazumieć, u kaho z kandydataŭ najbolš vysokija šancy atrymać bolšaść i stać mocnym kandydatam ad hrupy.

«Arcybiskup Miłana Andžeła Skoła — ćviordy kandydat na papski pasad», — padkreśliŭ Tarnijeli i dadaŭ, što ŭžo ŭ pieršym tury Skoła nabiare značnuju kolkaść hałasoŭ. Favarytami pieršaha tura z toj ža hrupy ekśpiert nazyvaje amierykanskaha kardynała Cimaci Dołana i kanadskaha kardynała Marka Uele.

Na jaho dumku, kardynały, jakija schilnyja prahałasavać za ich, sychodziacca ŭ pohladach, tamu ŭ druhim tury ich hałasy mohuć być addadzienyja lidaru hetaj «trojki» pa vynikach pieršaha tura, i chutčej za ŭsio im akažacca Skoła. Da kandydataŭ «druhoha ešałona» ŭ hetaj ža hrupie ekśpiert adnosić vienhierskaha kardynała Pietera Erde i amierykanskaha kardynała Šona O'Meli. Ekśpiert pryznaje, što ŭ paraŭnańni z 2005 hodam, dzie byŭ adzin vidavočny favaryt, pierad ciapierašnim kankłavam značna bolš niapeŭnaści. Razam z tym Tarnijeli ličyć, što pryncyp hałasavańnia za «svajho» — pa nacyjanalnaj prykmiecie — zaraz budzie hrać minimalnuju rolu, tamu što miežy pamiž roznymi hrupami pralahajuć u inšych płoskaściach — ich hałasavańnie vyznačajecca bačańniem budučyni Carkvy i stupieni ŭśviedamleńnia nieabchodnaści reformaŭ Rymskaj kuryi.

Pa słovach ekśpierta, u kožnaj z hrup «kardynały šukajuć duchoŭna hłybokaha kandydata, jaki ŭ toj ža čas u stanie kiravać i vieści dyjałoh».

Hrupie, mierkavanym lidaram jakoj moža stać kardynał Skoła, na dumku Tarnijeli, supraćstaić inšaja, dzie bolšaść hałasoŭ pradrakajuć brazilskamu kardynału Adyliu Šereru, jaki maje vialiki dośvied pracy ŭ Rymskaj kuryi, a taksama źjaŭlajecca siabram naziralnaj rady Banka Vatykana. Kardynały, jakija pracujuć u Vatykanie, chutčej za ŭsio buduć hałasavać za jaho, adznačaje Tarnijeli. U «druhim ešałonie» hetaj hrupy — kiraŭnik Papskaj rady pa kultury kardynał Džanfranka Ravazi, jakomu mohuć addać hałasy kardynały, blizkija da dziaržsakratara Vatykana Tarčyzia Biertone.

Kankłaŭ pa vybarach novaha Papy Rymskaha pačaŭsia ŭ aŭtorak. Jak paviedamlałasia, u subotu na dachu suśvietna viadomaj Sikstynskaj kapeły słužboŭcy pažarnaj achovy Vatykana ŭstalavali miednuju trubu, bieły dym ź jakoj pavinien budzie abviaścić śvietu pra abrańnie novaha Papy Rymskaha.

• 0
• 0
• 0
• 0
• 0
• 0
• 0
• 0