Ułady Paŭdniovaj Karei i ZŠA vyjavili dziasiatki rachunkaŭ u niekalkich kitajskich bankach, jakija, jak miarkujecca, naležać lidaru KNDR Kim Čen Ynu,
paviedamlaje sieulskaja hazieta The Chosunilbo.
Pavodle dadzienych vydańnia, ahulnaja suma na kitajskich rachunkach Yna vyličajecca ŭ sotniach miljonaŭ dalaraŭ. Adznačajecca, što ź niejkich pryčynaŭ novyja sankcyi AAN u dačynieńni da Paŭnočnaj Karei nie kranuli hetych depazitaŭ kiraŭnika respubliki. Jak raskazała haziecie krynica va ŭradzie Paŭdniovaj Karei, Sieuł prapanavaŭ Piekinu ŭklučyć u dakumient rachunki, vyjaŭlenyja ŭ vyniku rasśledavańnia, što doŭžyłasia niekalki hadoŭ, ale kitajskija ŭłady admovilisia zrabić heta.
U 2005 hodzie ZŠA zamarozili $25 młn na rachunkach baćki ciapierašniaha kiraŭnika KNDR, Kim Čen Ira, u Banco Delta Asia. Pavodle słovaŭ surazmoŭcy haziety, anałahičnyja miery ŭ dačynieńni da kitajskich rachunkaŭ Yna mahli b być efiektyŭnym ryčahom uździejańnia na Paŭnočnuju Kareju, bo havorka idzie pra značna bolšyja sumy.
U minułuju piatnicu stała viadoma, što administracyja ZŠA ŭviała ekanamičnyja sankcyi ŭ dačynieńni da troch hramadzian KNDR, jakija pradstaŭlajuć paŭnočnakarejskija kampanii ŭ Kitai. U «čorny ŭ śpis», u pryvatnaści, uklučany pradstaŭnik kamiercyjnaha banka Tanchon Commercial Bank Mun Čon Čoł u Piekinie, a taksama supracoŭniki Korea Mining Development Trading Corporation Jon Čon Nam i Ko Čoł Ča.
Kamientary